دوست، دوستی ، پر شعر کہیے

ھے دوستی تو مجھے اذن میزبانی دے
تو آسماں سے اتر اور مری زمین پہ چل

 

آیا ہی تھا ابھی مرے لب پر وفا کا نام
کچھ دوستوں نے ہاتھ میں پتھّر اٹھا لیے

 

نہ عاشقی جنون کی
کہ زندگی خراب ہو
نہ اس قدر کٹھور پن
کہ دوستی خراب ہو

 

آئینہ دیکھ کر خیال آیا
آج کل ان کی دوستی کم ھے



یمنی داس

 

اے تغیر زمانہ یہ عجیب دل لگی ہے
نہ وقارِ دوستی ہے نہ مجال دشمنی ہے

 

وفا تو اپنے سے ہوتی ھے دوسرے سے نہیں
سو اس بنا پہ کوئی کیا کرے شکایتِ دوست

 

گردِشِ دوراں، زمانے کی نظر، آنکھوں کی نیند
کتنے دشمن ایک رسمِ دوستی سے ہو گئے

 

اب بھی آئے ہو تو احسان تمہارا لیکن
وہ قیامت جو گزرنی تھی گزر بھی گئی دوست

 

دوست بن کر بھی نہیں ساتھ نبھانے والا
وہی انداز ہے ظالم کا زمانے والا
اب اسے لوگ سمجھتے ہیں گرفتار میرا
سخت نادم ہے مجھے دام میں لانے والا

 

تمہی بتاؤ کہ طے کس طرح کرو گے فراز
یہ عمر بھر کا سفر اور بے رفاقت دوست

 

دامنِ چشم میں تارا ہے نہ جگنو کوئی
دیکھ اے دوست مری بے سر و سامانی کو

 

کہتے ھیں تری زلف پریشاں کو زندگی
اے دوست زندگی کی تمنا بری نہیں

 

میرے ہر اُداس پل میں میرا ساتھ چھوڑ دینا
یہ کہاں کی اُلفتیں ہیں، یہ کہاں کی دوستی ہے

 

یہ سفر کی دوستی ھے اسے روگ مت بناؤ
ابھی کیا پتہ کسی کا کہ ابھی چلی نہیں ھے ناؤ

 

ایک میں دل ریش ہوں ویسا ہی دوست
زخم کتنوں کے، سنا ہے، بھر چلے


خواجہ میر درد

 

بیٹھے ہیں تیری محفل میں کئی دوست نئے
اب تمھیں یار پرانے کی ضرورت کیا ہے

 

کہنے لگے کہ دوستی صرف نہیں ھے زندگی
لوگ عجیب تو نہ تھے بات عجیب کہہ گئے

 

یہ صلہ ہے ملا ہے مجھ کو تیری دوستی کے پیچھے
کہ ہزار غم ملے ہیں مجھے اک خوشی کے پیچھے

 

ناکامیِ وفا پہ اڑاتے ہو کیوں ہنسی
اےدوستو یہ رونے رلانے کی بات ہے

 

سچ یہ ہے میری بابری مسجد مجھی میں ہے
مین مندروں کی آگ میں زندہ ہوں دوستو
اخبار میں خبر مرے مرنے کی چھپ گئ
آئینے کہہ رہے ہیں میں زندہ ہوں دوستو

 

ترے لہجے کی تھکن میں تیرا دل شامل ھے
ایسا لگتا ھے جدائی کی گھڑی آگئی دوست

 

اپنا درد بڑھا لیتا ہوں
اُس کو پاس بلا لیتا ہوں
سب سے جدا رہنے کی خاطر
سب کو دوست بنا لیتا ہوں

 

نہ مزہ ہے دشمنی میں، نہ ہے لطف دوستی میں
کوئی غیر غیر ہوتا، کوئی یار یار ہوتا​

 

خشک مغز و خشک تار و خشک پوست
از کجا می آئد این آوازِ دوست​

 

غالب ندیمِ دوست سے آتی ہے بوئے دوست ​

 

تم تو تکلفٌ کو بھی اخلاص سمجھتے ہو فراز
دوست ہوتا نہیں ہر ہاتھ ملانے والا ۔ ۔ ۔ ۔ ۔ ۔ ۔

 

آئینے میں وقت کے اے ہم نفس
دوستوں کی شکل پہچانی گئی

 

نہیں گر ہمدمی آساں، نہ ہو، یہ رشک کیا کم ہے
نہ دی ہوتی خدا یا آرزوئے دوست ، دشمن کو

 

بد گمانیاں جس کے دل پہ چھائی ہیں ہر دم
ہم نے کیوں بھلا اس سے دوستی کی خواہش کی