دوائے دردِ محبت، علاجِ غم ہُوا ہے ۔۔مقصود علی شاہ

دوائے دردِ محبت، علاجِ غم ہُوا ہے
جو حرف آپ کی توصیف میں رقم ہُوا ہے

وہاں وہاں پہ دلِ ناصبور جھُکتا رہا
جہاں جہاں پہ طلوعِ مہِ قدم ہُوا ہے

عطائیں خود لیے حاضر ہیں دامنِ حاجت
وہ دستِ خیر کہ جب مائلِ کرم ہُوا ہے

اگرچہ سانسوں نے لکھے ہیں تیری نعت کے حرف
کلام پھر بھی تری شان میں تو کم ہُوا ہے

جبیں پہ غازۂ خاکِ درِ کرم کے سبب
مجھ ایسا ذرۂ خاکی بھی محتشم ہُوا ہے

قرینِ رُخ مہِ کامل نے کی نیاز گری
ہِلال تو ترے گیسو کا عکسِ خم ہُوا ہے

عجیب حالتِ معکوس میں ہُوئی وہ دید
نگہ دھڑکتی رہی، دل کا حال نَم ہُوا ہے

مدینے پہنچا تو بخشش نے کی خبر گیری
وہیں کہیں پہ یہ دل واقفِ ارَم ہُوا ہے

تری عطا ہوئی ہے اور وہ عطائے تمام
ترا کرم ہُوا ہے اور دم بدم ہُوا ہے

اُسی کا بندۂ بے دام و نام ہُوں مقصود
کہ جس کا دستِ عطا نازشِ نِعَم ہُوا ہے
------
Maqsood Ali Shah
مقصود علی شاہ



​

 

دوائے دردِ محبت، علاجِ غم ہُوا ہے
جو حرف آپ کی توصیف میں رقم ہُوا ہے
​

 

عطائیں خود لیے حاضر ہیں دامنِ حاجت
وہ دستِ خیر کہ جب مائلِ کرم ہُوا ہے

​

 

اگرچہ سانسوں نے لکھے ہیں تیری نعت کے حرف
کلام پھر بھی تری شان میں تو کم ہُوا ہے
​

 

مدینے پہنچا تو بخشش نے کی خبر گیری
وہیں کہیں پہ یہ دل واقفِ ارَم ہُوا ہے
​

 

تری عطا ہوئی ہے اور وہ عطائے تمام
ترا کرم ہُوا ہے اور دم بدم ہُوا ہے​

 

اُسی کا بندۂ بے دام و نام ہُوں مقصود
کہ جس کا دستِ عطا نازشِ نِعَم ہُوا ہے​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین

​