دماغی سوالات --- اپنا آئی کیو لیول چیک کریں

جب میں نے سوال پڑھا تو میرے ذہن میں بھی یہی جواب آیا تھا جو @نعیم بھائی نے دیا ہے ۔ اسلیے میں ان کے جواب کی تائید کرتا ہوں ۔ اور پرزور اپیل کرتا ہوں کہ اسی جواب کو صحیح مانا جائے ۔

 

ذہنی آزمائش کا سوال ۔۔۔۔ مصنف نے کونسا محاورہ یاد کیا؟ غور سے پڑھ کے بتائیں۔

محاورات اور ہمارا خدا واسطے کا بیر ہے ۔ایڑی چوٹی کا زور لگا لو یا چاہے پاپڑ بیل لو، جان جوکھوں میں ڈال لو، دن رات ایک کرلو یا کمر توڑ لو۔ مگر یہ محاورات کی دال کبھی ہم سے نہ گلی ۔ان کا تو باوا آدم ہی نرالا تھا۔ کتے کی دم کی طرح ٹیڑھے ہی رہتے ہیں ۔ زمین جنبد نہ جنبد گل محمد۔۔۔۔۔ اور اوپر سے استاد جی نے نادرشاہی سنایا کہ کل سب دس محاورے یاد کرکے آئیں۔میرا تو یہ سنتے ہی کلیجہ منہ کو آگیا۔ تین ٹانگ کی اونٹنی اور اوپر سے نومن لادنی۔۔ ہم سے ایک محاورہ یاد کرنا جوئے شِیر لانے کے مترادف تھا اور یہاں ہمیں ایک نہ دو بلکہ یکمشت دس محاورے ازبر کرنے کا کہا جارہا تھا۔گنجی نہائے گی کیا اور سر نچوڑے گی کیا؟
..جائے ماندن نہ پائے رفتن ہم نے کمربستہ ہوکے محاورے یاد کرنے کا بِیڑہ اٹھا لیا۔مگرشاید محاورات اور میرے دماغ کے درمیان چھتیس کا آنکڑا تھا ...کہ اوّل تو کوئی محاورہ دماغ کی گرد کو بھی نہ پہنچ پاتا... لیکن اگر قدم رنجہ فرماتا بھی تو... ہتھیلی میں پانی کی طرح بہہ جاتا ۔ اور ہم دل تھام کے رہ جاتے۔ جان جوکھوں سے ایک اور یاد کیا مگر وہ ایسے دماغ سے نکلا. جیسے گدھے کے سر سے سینگ.۔۔۔. پہاڑیئے مِیت کس کے، بھات کھایا اور کھِسکے ۔۔۔۔.پتا ہی نہ چلتا کہ اسے آسمان کھاگیا یا زمین نگل گئی۔یہ بیل منڈھے چڑھتی نظر نہیں آرہی تھی ۔ قصہ مختصر ان محاوروں نے خوب دق کیا۔
خیر...! میں ہمتِ مرداں مددِ خدا کے اصول کے تحت ان محاوروں سے دو دو ہاتھ کرنے کا تہیہ کرلیا۔ کافی تگ و دو کرتا رہا..کوئی دقیقہ فروگذاشت نہ کیا۔۔.لیکن ڈھاک کے وہی تین پات...محاورات یاد ہوکے ہی نہیں دے رہے تھے...پتا نہیں یہ دماغ محاورات یاد کررہا تھا کہ بنارہا تھا...دماغ ماؤف ہوگیا۔ تھکاوٹ نے میرے دانت کھٹے کردیے... بس کیا بتاؤں! نانی یاد آگئی...اس تھکاوٹ نے ناکوں چنے چبوادیے...دانتوں تلے پسینا آگیا...دن میں تارے دکھائی د ینے لگ گئے... میں سمجھ گیا کہ یہ کوئی خالہ جی کا گھر نہیں... اور پھر... بیماری نے مجھے آگھیرا...!!
یعنی ایک تو کڑوا کریلا دوسرا نیم چڑھا..ایک تو کانی اوپر سے پڑ گیا پانی۔.کہ ایک تو میں پہلے ہی محاورات کے یاد نہ ہونے پر جل بھن کر کباب ہورہا تھا...اوپر سے بیماری نے اور لال پیلا کردیا.میں دل آزردہ ہوگیا..نہ جانے اس اونٹ کو کس کروٹ بیٹھنا تھا...شاید میں نے اس مہم کی داغ بیل ڈال کر آبیل مجھے مار پر عمل کیا تھا...لیکن داغ جگر کھانا ہمیں مقصود نہ تھا، جب اوکھلی میں دیا سرتو موسلوں کا کیا ڈر...دل بڑا کیااور دن رات کی جاں فشانی اور سرتوڑ محنت سے ایک محاورہ لے دے کے یاد کرہی لیا... عرصۂ دراز تک اسے طوطی وار ازبر کرتا رہا.. دامن سے لگارکھا ۔.حتیٰ کہ اطمینان ہوگیا کہ اب یہ محاورہ نسیًا منسیًا نہیں ہوگا۔بلکہ ایک لمحے کو تو یہ بھی لگا کہ اب محاوروں کا خون منہ کو لگ گیا ہے۔
اب میرا دل بلیوں اچھلنے لگا...اور میں سرجھاڑ منہ پھاڑ ..خوشیوں کے شادیانے بجاتا ہوا شاداں وفرحاں.اپنے تئیں بڑا تیس مارخان بنا اپنے استاد صاحب کے پاس پہنچا... دست بستہ ہوکے خوش خبری سنائی... تاکہ ان کی آنکھیں ٹھنڈی ہوجائیں.۔ دل باغ باغ ہوجائےاور وہ خود انگشت بدنداں ہوجائیں..لیکن یہ میری خام خیالی تھی۔ میں نے منہ کی کھائی...اور بڑے سنگین حالات سے دوچار ہوا...جس کے کارن جوگن بنی وہ سیاں پردیس ۔۔۔کیوں کہ محاورہ سنتے ہی وہ آگ بگولہ ہوگئے...اور آؤ دیکھا نہ تاؤ ہمیں مرغا بننے کو کہہ دیا۔
میں تو کلیجہ تھام کے رہ گیا۔۔ ..دل شکستہ ہوگیا۔۔.ہاتھوں کے طوطے اُڑ گئے۔۔ پیروں تلے زمین نکل گئی...رہے سہے اوسان بھی خطا ہوگئے...حالت ایسی پتلی ہوئی کہ کاٹو تو بدن میں لہو نہیں... اور پھر...ایک دم میرا پارہ چڑھ گیا...اور میرا غصہ آسمان سے باتیں کرنے لگا...کہ میں نے سردھڑ کی بازی لگاکر اور خون پسینہ ایک کرکے جوکام کیا تھا... اس میں بھی میری خوب درگت بنی... ایسی کی تیسی ایسے محاورات کی...اگر میرا بس چلتا تو ان محاورات کو نیست ونابود ہی کردیتا.. اینٹ سے اینٹ بجا دیتا. ان کے گلستان کو تہ وبالا کردیتا... ان کے چمن کو زیرو زبر کردیتا...لیکن میں خون کے گھونٹ پینے کے سوا کچھ نہ کرسکا اور پھر میں کافی دیر تک پیچ و تاب کھاتا رہا..آئیں بائیں شائیں کرتا رہا. بڑی بڑی ہانکتا رہا... یہاں تک کہ استاد صاحب کے صبر کا پیمانہ لبریز ہوگیا...اور پھر انہوں نے مجھے خوب سنائی .دُر دُر پھِٹ پھِٹ کرنے لگے..کہ تم بڑے طوطا چشم ہو... ماننے کی صلاحیت تم میں صفر بٹا صفر ہے... اور نہ ماننا تو تمہاری سرشت میں ہے... دس میں سے صرف ایک محاورہ یاد کیا ...وہ بھی اونٹ کے منہ میں زیرہ... اور آٹے میں نمک کے برابر..یعنی خون لگا کے شہیدوں میں شامل ہوئے۔.اور ساتویں آسماں پر اڑنے لگے۔ پھر اس پر قیامت یہ کہ... الٹا چور کوتوال کو ڈانٹے ...کہ ایک تو چوری اوپر سے سینہ زوری..خیرات کے ٹکڑے اور بازار میں ڈکار ۔۔۔۔ ایک یاد کرلیا تو کونسا تیر مار لیا۔

 

"لے دے کے "

 

آپ جیسے صاحبان کی صحبت کا فیض ہے۔ وگرنہ بھولا تو سدابہار بھولا ہے

 

شکریہ پیارے بھائی ! کاملین کی صحبت بہت فیض دیتی ہے

 

یہی جواب مناسب ہے۔۔۔۔۔۔

 

بھولا بھائی تو بھولے بھالوں کے بھولا پہلوان ہیں ۔ اورامید ہے ان کا بہت بول بالا کریں گے۔
" لے دے کے " ہی جواب درست ہے۔

 

عمرخیام صاحب اسی طرح باد صبا کی طرح ماحول کومعطرکئےرکھیئے۔۔۔

آپ کے بےلاگ تبصرے اوربرجستہ جملے آپ کی شخصیت کواورزیادہ ممیزکرتی ہے۔؎

خوش رہیے۔

 

شکریہ @عمر خیام بھائی

 

نقطے

 

اور سال میں ایک بار بھی نہیں آتا

 

بڑے نقطے کی بات ہے آپ کی

 

ماشاءاللہ ۔ منگنی یافتہ ہوکر ذہین ہوگئے ہیں۔

 

اچھا وہ جو " سر چڑھ کر " چیختی ہے اسی کو ذہانت کہتے ہیں ؟

 

میں تو کچھ نہیں کہتا ۔ جو کہنا ہوتا ہے " وہی " کہہ دیتی ہیں

 

ہماری اردو کے قیام کے مقاصد میں سے ایک اہم مقصد بن چکا ہے جناب !