دلوں پہ آج بھی حیدر کا خوف طاری ہے ۔ بلال رشید

علی امام ہے مولا ہے سب کا ہادی ہے
اسی کی ذات سے فیض رسول جاری ہے
ترا الجھنا بتاتا ہے ذکر مولا پر
دلوں پہ آج بھی حیدر کا خوف طاری ہے
عَدو بھی مانتے تھے اَحسن القضا جِس کو
عَلی اُمتِ احمد کا ایسا قاضی ہے
رضائے حق کا ہے حقدار عاشقِ حیدر
اُسی کا روزِ جَزا مُصطفٰی بھی حامی ہے
کبھی نہ اہلِ جفا کی ثَنا ہوئی مجھ سے
گَواہ اس پہ میرا شاندار ماضی ہے
علی ہے جنت و دوزخ کا بانٹنے والا
علی ہی کوثر و تسنیم کا بھی ساقی ہے
بِلال تیرے مناقب گواہی دیتے ہیں
کہ تُجھ سے دستِ خُدا بُو تراب راضی ہے
بلال بُغضِ علی ہے خدا کے قہر کا نام
عَلی سے عِشق حقیقت میں عِشقِ باری ہے
بلال رشید​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین