خوشگوار یادیں

نیکی بھی زمانے کو راس نہیں

گزشتہ دنوں کی بات ہے، ہم سب کزنز دادی کے گھر پر جمع تھے۔ نیشنل اسٹیڈیم، کراچی میں ٹوئنٹی ٹوئنٹی کرکٹ میچز ہورہے تھے۔ سوچا کہ چلو دیکھ کے آتے ہیں۔ اس دن دو سیمی۔فائنلز میچ تھے جن کو رات گیارہ بجے ختم ہونا تھا۔ ہم سب گئے۔ ایک میچ دیکھا اور واپس آگئے۔ سوچا کہ چاچی تو گھر پر ہیں نہی، پھپھو کا گھر قریب ہے، وہاں چل کر رات کا کھانا کھالیتے ہیں، ورنہ دادی کے گھر پر گئے تو دادی کو خرچہ کرنا پڑے گا۔ بڑی چاہت سے ہم نے دادی کا خیال کیا اور پھپھو کے گھر پر کھانا کھاکر دادی کے گھر پر پہنچے تو پتا چلا کہ ہماری شامت ہمارا انتظار کررہی تھی۔ دادی صاحبہ پہلے ہی باہر سے کھانا منگواچکی تھیں۔ وہ ہم پر برس پڑیں۔ ہم نے لاکھ کہا کہ ہم نے تو آپ کا خیال کرتے ہوئے یہاں کھانے کا پروگرام نہیں کیا اور ہم نے تو بتایا بھی نہیں تھا کہ ہم رات کا کھانا یہیں کھائیں گے لیکن سب بہانے بے سود گئے اور جو ڈانٹ پڑی۔۔۔۔ کہ بس س س س۔۔۔۔! کیا بتائیں۔۔۔؟
نیکی بھی زمانے کو راس نہیں!!

 

اچھا صرف ڈانٹ ہی کھائی یا کھانا بھی دوبارہ کھانا پڑا ؟؟؟
:152: :208: :135:

 

نعیم صاحب ذرا اس تعلق کی تھوڑی سی وضاحت کرنا پسند کریں گے ؟

 

میرا تعلق خواہ مخواہ کا ہے :237:

 

کھانا اس وقت تو دوبارہ نہیں دیا گیا۔ ہاں! دادی نے یہ دھمکی ضرور دی کہ اگلے دن دوپہر میں ہمیں یہی کھانا پڑے گا جو رات کا رکھا ہوا ہے مگر اگلی دوپہر کے کھانے سے پہلے ہی ہم ان کے گھر سے روانہ ہوگئے تھے۔

 

زمانہ طالبعلمی کا ایک دلچسپ واقعہ پیش خدمت ہے۔
ہماری کلاس مطالعاتی دورے پر وادئ کاغان میں ایک رات شوگراں قیام کے بعد اگلی صبح نئی منزل شاراں جانے کے لئے تیار تھی۔ہماری نئی منزل شوگراں سے قریباً بیس پچیس کلومیٹر دور تھی اور سڑک کا زیادہ حصہ کچا تھا لہذا سب سامان گاڑیوں میں رکھنے کے بعد ایک دوست آصف “فائنل چیک“ کے لئے ریسٹ ہاؤس کے اندر گیا کہ کوئی چیز رہ نہ جائے۔ تھوڑی دیر بعد وہ ایک شلوار لئے باہر آیا اور سب سے اس کی ملکیت دریافت کی۔ سب لوگوں بشمول ڈرائیور اور باورچی کے جواب نفی میں ملنے پر اس نے مذکورہ شلوار بحفاظت واپس ریسٹ ہاؤس کے اندر رکھ دی اور ہم لوگ نئی منزل کے لئے روانہ ہو گئے۔ شاراں پہنچ کر سب لوگ تروتازہ ہو کر لباس تبدیل کرنے لگے۔آصف پھر اس وقت تولیہ باندھے ایک قمیض ہاتھ میں تھامے اس کی شلوار کے بارے میں پوچھ رہا تھا کہ اگر کسی نے دیکھی ہو۔سب دوستوں کا ہنس ہنس کر برا حال ہو رہا تھا اور آصف حیران۔اور اس ہنسی میں وہ بھی اس وقت شامل ہو گیا جب میں نے اسے بتایا کہ وہی شلوار وہ صبح خود ہی شوگراں رکھ آیا تھا۔

 

:201: :176: :201:
صدقے آصف کی حاضر دماغی کے

 

:201: اچھے لطیفے ہیں :201:

 

عقرب صاحب جواب دیں ذرا اور کوئی وقوعہ بھی سنائیں

لیکن خیال رہے کہ ہم انسانوں کے معیارِاخلاق پر پورا اترتا ہوں

کیونکہ آپکی زیرزمین دنیا میں قاعدہ قانون تو نہیں ہوتے۔ ہمارے ہاں ہوتے ہیں :angle:

 

اور اگر ڈنگ یا ڈانگ کا ذکر نہ ہی ہو تو زیادہ بہتر ہو گا۔

 

ایک دفعہ مجھے ایک گاؤں میں نماز جمعہ پڑھنے کا اتفاق ہوا۔ خطیبِ مسجد مولانا یوسف جمیل صاحب، امام و خطیب ہونے کے علاوہ پیری مریدی بھی فرماتے تھے اور گاؤں کے ان پڑھ لوگوں‌ پر ہمیشہ اپنے (کم) علم و فضل کی دھاک جمانے کے چکر میں رہتے تھے۔ اور ظاہر ہے اس کام کے لیے انکے ہمراہ دو چار مرید ہمیشہ واہ واہ، سبحان اللہ کرنے اور انکے نام کے نعرے لگانے کی ڈیوٹی پر مستعد رہتے تھے۔
المختصر خطیب صاحب تازہ تازہ حجِ بیت اللہ کی سعادت حاصل کر کے آئے تھے اور لوگوں‌کو رُدادِسفر سنا رہے تھے۔ تقریر ظاہر ہے پنجابی میں تھی۔
فرمانے لگے۔ اک جگہ میں اک عربی دے کول بیٹھا تے میں وقت گزارے لئی اس دے نال عربی وچ گپ شپ کرنا شروع کر دتی۔
(اوراپنی عربی دانی کا رعب جمانے کے لیے عربی بھی بولنا شروع کر دی) فرمانے لگے
میں اُس عربی کولوں پُچھیا “یا رفیق اِسمُکَ کی اے ؟“
ا وہ عربی کہندا “انا یوسف“
میں خوشی نال کہیا “ اوہ اَنتَ یوسف ؟؟ تے فیر اَنا وی یوسف ۔ ایس لئی دونوں رفیق“

سادہ لوح لوگوں نے اپنے مولانا اور پیر و مرشد کے منہ سے عربی کے الفاظ سنے تو انکی علمیت پر عش عش کر اٹھے اور پوری مسجد حضرت مولانا پیر سید یوسف جمیل زندہ باد کے نعروں سے گونج اٹھی۔ جبکہ میں زیرِ لب مسکرا کر محظوظ ہوتا رہا۔

 

:201: :101: :201: :101: بہت خوب جی بہت خوب

 

صرف ایک دفعہ ؟؟ کیا اس کے بعد پھر کبھی نماز جمعہ پڑھنے کا اتفاق ہوا؟؟؟؟ شکر ہے کسی نے اور خصوصاً مولانا موصوف نے نہیں دیکھا آپ کو ورنہ فتویٰ دے دیا ہوتا کہ موذی جانور کو مار دیا جائے۔

 

شیر افضل بھائی آپ نے کچھ زیادہ سخت لفظ استعمال کر دیے ہیں۔
عقرب بھائی کی دل شکنی بھی ہوسکتی ہے۔ وہ خود کو چاہے جو مرضی کہتے پھریں
لیکن ہمیں نہیں بھولنا چاہیے کہ وہ ہمارے بہت پیارے بھائی ہیں۔

 

سائنسی تعریف کے مطابق جاندار یا تو جانور ہوتا ہے یا پودہ ، عقرب اپنی مارفالوجی اور اناٹومی سے کسی بھی طرح پودہ نہیں ہوتا اور نہ ہی جانداروں کی تیسری متنازع قسم وائرس ہو سکتا ہے لہذا سائنس کےمطابق جانور ہی ہوا ۔ اگر پھر بھی عقرب اور آپ سب دوستوں کو برا لگا تو جانور کا لفظ کارروائی سے حذف سمجھا جائے۔ اور اگر پھر بھی عقرب کو برا ہی لگے تو پیارے بھائی معذرت ہی قبول کر لیں۔

 

امید ہے عقرب بھائی شیرافضل بھائی کی بات کو مذاق سمجھتے ہوئے برا نہیں “مسُوس“ کریں گے اور گپ شپ میں واپس آجائیں گے

 

لو جی ۔ بندہ حاضر ہے

 

میری معلومات کے مطابق صحیح اردو لفظ “عش عش“ نہیں بلکہ “اش اش“ ہے جیسا کہ حکیم محمد سعید نے اس تحقیق کی کئی بار وضاحت کی۔ بالکل اسی طرح جیسے بقول ان کے صحیح اردو لفظ “طوطا“ نہیں بلکہ “توتا“ ہے۔ درستگی فرمالیں۔

 

عمار بھائی ! یہ بتائیں لطیفے کا مزہ آیا یا نہیں۔
حکیم سعید مرحوم کے فرمان سے نہ تو دنیا نے توتا کہنا شروع کیا اور نہ ہی عش عش کا مفہوم بدلا۔ اسلیئے زیادہ ٹینشن نہ لیں جناب

 

ہارون بھائی ۔ آپ سے بھی معذرت کے ساتھ
میں آپکے لطیفے پر ہنسنا چاہتا تھا لیکن مجھے اس جملے کی سمجھ ہی نہیں آئی۔ اسلئے ہنس نہیں سکا۔

 

شکریہ واصف بھائی !
ورنہ ہارون بھائی نے تو مجھے پریشانی کا عارضہ لاحق کرنے میں کوئی کسر نہ چھوڑی تھی۔

ہارون بھائی !

اگلے دن ہنسنے کی بھی کوئی گارنٹی نہیں۔
جب سمجھ آئے تب ہنسنے پر غور کیا جاتا ہے