خوشگوار یادیں

عقرب نے لکھا ہے

میرے بھائی جب آپ کسی شخصیت کے قریب ہوتے ہیں تو بلا شبہ بہت سے مواقع ایسے ملتے ہیں جب آپ کو کوئی ہلکی پھلکی گفتگو کرنے یا سننے کا موقع مل جاتا ہے۔

 

ایک دفعہ ہم چند دوست مل کر لاہور حضور داتا دربار (رح) جمعرات کی رات حاضری دینے گئے۔ حاضری کے بعد تبرک لینے کے خیال سے ایک آدھ دفعہ لائن میں‌لگنے کی کوشش کی لیکن رش ہونے کی وجہ سے تبرک کے چاول نہ مل سکے۔ میں بجھے دل کے ساتھ واپس گاڑی کی طرف آ رہا تھا کہ دل سے آواز نکلی “یا داتا سرکار ! آپ کے دربار پر حاضری کے لیے آیا تھا اور یہاں سے چاول بھی نہیں ملے۔ بغیر چاول کھائے واپس جارہا ہوں“۔۔۔ یہی سوچتے سوچتے گاڑی میں پہنچا۔ دیکھا تو ہم میں سے ایک دوست کافی مقدار میں تبرک کے چاول لے آیا تھا اور سب کو بولا “لو جی ! جی بھر کے داتا صاحب کے لنگر کے چاول کھاؤ۔۔“ میں نے بھی چاول کھائے۔ رات کوگھر پہنچا ، دوسری صبح پلاؤسے ناشتہ کرنے کو ملا ۔ امی نے بتایا رات ہم نے پلاؤ بنایا تھا۔ اسی شام ایک شادی میں شرکت کے لیے جہلم روانہ ہوا۔ وہاں پہنچا تو شام کے کھانے میں‌چاول میرا انتظار کر رہے تھے۔ اگلے دن شادی تھی۔ شادی پر بھی ظاہر ہے چاول ہی ملتے ہیں۔ پھر دوسرے دن ولیمہ میں‌بھی چاول پکے تھے۔ شادی ولیمہ بھگتا کر میں نے سوچا یہاں قریب ہی میری خالہ رہتی ہیں ان سے بھی ملتا چلوں۔ وہاں پہنچا تو انہوں نے بڑے چاؤ سے میرے لیے چاول بنالیے۔پانچویں دن لاہور واپس آیا تو اتفاق سےگھر میں پھر چاول پکے تھے۔ میں نے صبر شکر کر کے کھائے اور نماز کے بعد داتا صاحب (رح) کے دربار کی طرف منہ کر کے عرض کی “یا سرکار داتا صاحب ! مجھ سے غلطی ہو گئی جو آپ کی بارگاہ میں چاول نہ ملنے کی شکایت کردی ۔ آج 6 دن سے مسلسل چاول ہی کھلائے جا رہے ہیں آپ۔میں اپنی شکایت واپس لیتا ہوں۔ مجھے معاف فرما دیں“
اس دعا کے بعد چاول سے میری جان چھوٹ گئی۔ اور زندگی معمول پر آ گئی :lol:

 

وہ تو آپ شکر کریں کہ آپ نے شکوہ چاولوں کا کیا
ذرا سوچیں اگر شکوہ مکھانوں کیا ہوتا تو کیا ہوتا

 

نادیہ جی نے لکھا ہے

لگتا ہے مکھانوں سے آپ کی کوئی خاص یاد وابستہ ہے ورنہ اور بھی بےشمار اجناسِ خورد و نوش موجود تھیں حوالہ کے لیے۔
ویسے مکھانے اگر مکھن سے بنے ہوتے تو زیادہ مزیدارنہ ہوتے ؟؟؟

 

مکھانوں سے ہماری تو کوئی یاد وابستہ نہیں البتہ مکھانے درباروں سے ضرور وابستہ ہیں اسلئے مکھانوں کا حوالہ دینا پڑا
ویسے اگر چند دن مسلسل مکھانے کھانے پڑتے تو کیا ہوتا؟ :lol:

 

ہممممممم۔۔۔۔۔ ویسے تو مکھانے کبھی بھی میرا من بھاتا کھاجا نہیں رہے۔ مجھے بھنڈی بہت پسند ہے۔اگر چند دن مسلسل کھانے پڑ جاتے تو میں بھنڈی مکھانے پکوا کر کھاتا اور اتنے مکھانے کھانے کے بعد ہر طرف مکھن ہی مکھن نظر آتا۔۔۔۔۔۔۔۔۔۔۔
زور ہرطرف اور مکھن پر ہے :idea:

 

اب کوئی اور بھی تو اپنی خوشگوار یاد لکھے۔۔۔!

 

یہ ان دنوں کی بات ہے جب ہم میٹرک میں پڑھتے تھے۔ ایک دن میں اور میرا دوست اپنے ایک تیسرے دوست سے ملنے اسکے گھر پہنچے۔ غالباً اگست کا مہینہ تھا اور گرمی اپنے عروج پر تھی۔ ہم 6-7 کلومیٹر کا سفر بائیسکل پر طے کر کے اپنے دوست کے گھر پہنچے۔ بالعموم دوپہر کے وقت لوگ گرم لو سے بچنے کے لیے کمروں میں پنکھے، واٹر کولر لگا کر اندر دبکے بیٹھے ہوتے ہیں۔
خیر دروازے پر پہنچ کر میں نے ڈور بیل بجائی۔ تھوڑی دیر انتظار کے بعد جب کوئی باہر نہ آیا تو دوبارہ گھنٹی بجائی۔ میرے دوست نے خیال ظاہر کیا کہ گھنٹی خراب نہ ہو لہذا دروازہ کے کواڑوں پر ہاتھوں کو آزمایا جائے۔ چنانچہ اس نے ایک دو بار دروازہ بھی کھٹکھٹایا لیکن جواب ندارد۔۔۔ ایک تو اگست کی دوپہر، اوپر سے تھکن اور پیاس اور پھر منزل پہ پہنچ کر یہ انتظار بہت شاق گذرا۔۔۔ میں نے اپنے دوست کو بتایا کہ میں اب کی بار پوری طاقت سے دروازہ کا کواڑ بجاؤں گا یہاں تک کہ پورے محلے کو خبر ہوجائے۔ چنانچہ میں آگے بڑھا۔ دروازے کے سامنے کھڑا ہو کر پوزیشن لے کر اپنی دایاں ہاتھ (کیونکہ میرے خیال میں میرا دایاں ہاتھ بائیں سے زیادہ طاقتور ہے :lol: ) اوپر اٹھایا اور اپنی پوری طاقت سے اوپر اٹھے ہوئے ہاتھ کو ایک بم کی مانند دروازے کے کواڑ کی جانب لہرایا ۔
ایک لمحے کے ہزارویں حصے میں دروازہ کھلا اور۔۔۔۔۔۔
مجھے صرف اتنا یاد ہے کہ میرے دوست کی چھوٹی بہن کا چہرہ عین میرے ہاتھ کا سامنے آیا تھا۔۔۔۔۔۔۔۔۔

پھر اسکے بعد چراغوں میں روشنی نہ رہی​

اور ہم دوست آج بھی جب ملتے ہیں تو میں اپنی حماقت پر شرمندہ بھی ہوتا ہوں اور ہم سب ہنستے بھی خوب ہیں۔ :lol: :evil: :shock:

 

واہ بھئی عبد الجبار بھائی !!
چاند پر تو آپ لوگ پھر بھی نہیں گئے

 

جی کیوں نہیں ؟

 

وہ کون تھا؟

گذشتہ دنوں کی بات ہے، میں‌ایک شادی کی تقریب سے رات گھر واپس آیا۔ سب سوچکے تھے۔ سونے سے پہلے کپڑے بدلنے کے لئے میں غسل خانہ کی طرف بڑھا۔ عموما اس کا دروازہ کھلا ہوتا ہے۔ دروازہ کے باہر ہی بلب کا سوئچ ہے۔ بالکل مدھم روشنی تھی۔ میں نے اندازے سے جاکر سوئچ پر ہاتھ رکھا اور اسے آن کیا لیکن اندھیرا رہا۔ میرے ذہن میں خیال آیا کہ شاید یہاں‌کا بلب فیوز ہوگیا ہے یا کسی اور مقصد کے لئے نکال لیا گیا ہے۔ اچانک میری نظر غسل خانہ کی طرف پڑی۔۔۔ میری سامنے ایک سیاہ سایہ مجھے دیکھ رہا تھا۔ میں گھبراگیا۔ (ویسے مجھے جن بھوتوں سے ملنے کا بڑا شوق ہے لیکن ایسی غیر متوقع آمد پر تو کسی کے بھی ہوش اڑ سکتے ہیں) میں نے کانپتی ہوئی آواز میں پوچھا۔۔۔ کون؟ مگر وہ چہرہ خاموش مجھے تکتا رہا ۔۔۔ میں نے ایک دو بار اور بھی یہی مختصر سوال دہرایا لیکن اس نے کوئی جواب نہ دیا۔ گھبراکر میں نے جلدی جلدی سوئچ کو کھولنا، بند کرنا شروع کیا لیکن روشنی بھی نہیں ہوئی پھر میں نے جب پیچھے کی طرف حرکت کی تو مجھ پر حقیقت آشکار ہوئی اور چہرے پر مسکراہٹ آگئی تاہم دل سوتے دم تک تیز تیز دھڑکتا رہا۔ اب آپ بھی سوچ رہے ہوں گے کہ بات کیا تھا؟
تو جناب بات یہ تھی کہ ہمارے گھر میں نیا رنگ ہوا ہے۔ دروازے کا رنگ کافی گہرا ہے اور ہلکی روشنی میں اس کے سامنے کی چیز کا سایہ اس میں نظر آتا ہے۔ ہوا یوں کہ میں سوچ رہا تھا کہ دروازہ کھلا ہوگا لیکن دروازہ بند تھا، رنگ گہرا اور اندھیرا ہونے کی وجہ سے میں اندازہ نہ کرسکا کہ یہ دروازہ کھلا ہے یا بند؟ مدھم روشنی میں میرا ہی عکس اس دروازے میں نظر آرہا تھا۔۔۔ میں جب ساکت رہا تو کچھ پتا نہ چلا اور جب حرکت کی تو اندازہ ہوا کہ یہ تو میرا ہی عکس ہے جو میرے ساتھ حرکت کررہا ہے۔۔۔۔ اگلے دن گھر میں سب کو بتایا تو بڑی ہنسی ہوئی۔۔۔ ابو نے بتایا کہ ان کے ساتھ بھی ایسا ہی ملتا جلتا واقعہ پیش آیا تھا لیکن۔۔۔۔۔۔۔۔ میری طرح ان کی ملاقات جن بھوت سے نہیں ہوئی۔۔۔۔!

 

واہ عمار بھائی ۔۔ ہم تو آپ کو بڑا بہادر سمجھے تھے۔

لو جی پچھلے دسمبر کا ایک اور واقعہ مجھے یاد آ گیا۔ جو ہمارے گھر پیش آیا۔

سردیوں کی صبح سب اپنے اپنے کمروں میں اور بستروں میں دبکے ہوئے تھے۔اچانک ٹیلیفون کی گھنٹی بجی۔ اب ہر کمرے میں ٹیلیفون کی ایکشٹنشن لگی ہوئی ہے اور ٹیلیفون ہر جگہ پر بجتا ہے۔ میرا خیال ہے ہر کمرے والا یہی سوچ کر خود کو تکلیف دینے سے گریز کرتا رہا کہ کوئی اور فون اٹھا لے گا۔ جب کافی دیر تک بجتا رہا تو بالآخر میرے والد صاحب نے اپنے کمرے سے اور میری چھوٹی بھابھی نے اپنے کمرے سے فون اٹھانے کا کٹھن فیصلہ کر لیا۔
دونوں نے بیک وقت فون اٹھایا اور عین اسی وقت فون کرنے والے نے تنگ آ کر فون رکھ دیا۔ اب دونوں فون ایکسٹنشنز پر میرے والد اور میری بھابھی براہِ راست رابطے میں تھے۔یہ یاد رہے کہ دونوں ہی نیند میں تھے اور نیند سے بھری ہوئی اور بھرّائی ہوئی آواز میں بات کر رہے تھے اس لیے دونوں ہی ایک دوسری کی آواز نہ پہچان سکے اب جو گفتگو ہوئی وہ کچھ یوں تھی:-
والد صاحب: ہیلو السلام علیکم !
بھابھی: وعلیکم سلام۔ کس سے بات کرنا ہے آپ کو؟
والد: محترمہ فون آپ نے کیے ہے آپ بتائیں آپ کو کس سے بات کرنا ہے؟
بھابی: میں نے کب فون کیا؟ فون تو آپ نے خود کیا ۔
والد: دیکھیئے محترمہ صبح صبح مجھ سے فضول بحث نہ کریں۔ میں نے فون نہیں کیا
بھابی: لگتا ہے آپ کا دماغ بھی ٹھیک نہیں اسی لیے خود فون کرکے مجھے کہہ رہے ہو کہ فون میں نے کیا ہے۔
والد: لگتا ہے آپ نے نشہ کر رکھا ہے ۔
اور کچھ مزید بحث و تکرار کے بعد دونوں نے فون رکھ دیا۔ اب تھوڑی دیر بعد ناشتے کی میز پر سب اکٹھے ہوئے اور فون کی گھنٹی پھر بجی ۔ میری امی نے فون اٹھانا چاہا تو والد صاحب نے منع کرتے ہوئے کہا “رہنے دو کوئی ایسے ہی نشہ کرنے والی ہے خود ہی فون کرکے خود ہی بولتی ہے میں نے فون نہیں کیا آپ نے کیا ہے اور پوچھتی ہے کس سے بات کرنا ہے وغیرہ وغیرہ“
ادھر بھابھی کہنے لگی“ میرا خیال ہے یہ وہی پاگل بابا ہے۔ فون کر کے کہتا ہے فون میں نے نہیں کیا آپ نے کیا ہے۔“
اس بات پر سب کی ہنسی چھوٹ گئی کیونکہ ساری بات سمجھ آ گئی تھی کہ والد صاحب اور بھابھی دونوں آپس میں ہی ایک دوسری سے بات کر رہے تھے۔ سب گھر والے ہنس ہنس کر لوٹ پوٹ ہو گئے۔ اور کئی دن تک جب بھی فون کی گھنٹی بجتی تو والد صاحب اور چھوٹی بھابی کو چھیڑنے کے لیے ہم کہتے
“رہنے دو فون نہ اٹھاؤ کوئی پاگل بابا ہو گا۔ یا پھر کوئی نشہ کرنے والی عورت ہو گی“ :lol: :lol: :lol: :lol: :lol: :lol: :lol:

 

واہ نعیم بھائی۔۔۔۔۔ کیا دلچسپ قصہ ہے۔۔۔۔!!! ہنس ہنس کر برا حال ہوگیا میرا تو۔۔۔!!

 

آپ ہمیشہ یونہی ہنستے مسکراتے رہیں۔

 

بڑا ودیا سٹائل ہے کاشف صاحب کا۔ :lol: :lol: :lol: :lol: :lol:

 

ہارون بھائی ۔۔۔ بہت مزیدار واقعہ ہے۔۔۔ بہت مزہ آیا پڑھ کر

 

عبدالجبار بھائی ! آپ کے دوست کا خط پڑھ کر مرزا غالب اور ڈپٹی نذیر احمد کی یاد آ گئی۔

 

واہ جناب۔۔۔ کمال کا خط لکھا ہے جو کہ نہ صرف یہ ظاہر کرتا ہے کہ لکھنے والا اچھے ذوق کا حامل تھا بلکہ یہ بھی پتا چلتا ہے کہ اسے آپ سے کتنا لگاؤ تھا۔
میں نے گھر میں جب یہ خط سنایا تو کیا آپ جانتے ہیں مجھ سے کیا سوال ہوا؟
مجھ سے پوچھا گیا کہ کیا اس خط کے بعد اس نے اپنے دوست سے رابطہ کیا؟ میرے پاس اس کا جواب نہیں تھا۔ کیا عبد الجبار بھائی اس کا جواب دینے کی زحمت کریں گے؟

 

عبد الجبار بھائی صاحب! ایسی کوئی بھی بات نہیں ہے۔ نہ مجھے کوئی رنجش ہے آپ سے، نہ ہی آپ کی کوئی بات بری لگی ہے۔ اگر میرے انداز تحریر سے ایسا کچھ ظاہر ہوا تو میں معذرت خواہ ہوں، سچ میں، میرے دل میں ایسا کچھ نہیں۔ میں خود حیران ہوں کہ میں نے ایسا کیا لکھا ہے جس سے آپ کو ایسا محسوس ہوا؟

 

اچھا کیا میرے بھائی جو وضاحت کرلی۔
اب کوئی خوشگوار یاد مجھے تو سوچنا پڑے گی۔۔۔ اتنے وقفے میں کوئی اور بھی اپنے دماغ کو استعمال میں لائے۔ اپنا ماضی تازہ کیجئے۔۔۔۔۔۔۔!!! سب لوگ!

 

عبدالجبار صاحب آپ کے دوست کا خط پڑھ کر بہت مزا آیا

 

عمار بھائی

باقی تو لا ہی رہے ہیں۔ آپ ذرا استعمال میں لائیں کہیں زنگ آلود نہ ہو جائے