خواجہ ء خواجگاں حامیٔ بیکساں

خواجہ ء خواجگاں حامیٔ بیکساں
اِلتجاء سن لو شاہِ اُمم ﷺکیلئے
کر دو کردو کرم مرشد ِ محترم
تم کو بھیجا گیا ہے کرم کیلئے

ہے تمہاری طلب حاصل ِ بندگی
اس سے بڑھ کر نہیں ہے عبادت کوئی
میرے سجدے ہیں اے خواجہ ہند الولی
بس تمہارے ہی نقشِ قدم کیلئے

نورِ شاہِ نجف میرے خواجہ پیا ء
تیری چھوکھٹ پہ ولیوں نے سجدہ کیا
خالق ِ دوجہاں سے یہ رتبہ ملا
تیرا دربار فیض و کرم کیلئے

شاہِ اجمیر میرا مسیحا ہے تو
دردمندوں کے دُکھ کا مداوا ہے تو
تیری نسبت کا دامن رہے ہاتھ میں
بس دواء ہے یہی رنج و غم کیلئے

تھامنا ہاتھ اے سید ِ مہرباں
ہے تیرا کام خواجہ خطاء پوشیاں
لاج رکھنا فناء کی معین ِ جہاں
حشر میں تاجدار حرم کیلئے

​

 

جزاک اللہ