خزاں میں بھی بہار تم ہی تھے ۔۔۔۔۔۔ اصلاح طلب

خزاں میں بھی بہار تم ہی تھے
میرے دل کا قرار تم ہی تھے

دھڑکنوں میں بسا لیا تم کو
اور دل پر بھی بار تم ہی تھے

سوچ پر بھی لگا لئے تالے
ذہن پر بھی سوار تم ہی تھے

رفتہ رفتہ چھڑا لیا دامن
فتح تم اور ہار تم ہی تھے

وہ جو ایام تھے وہ بیت گئے
میرا دارو مدار تم ہی تھے

در بدر ہو گئی سفر میں گل
ور نہ میرا دیار تم ہی تھے


زنیرہ گل​

 

ماشاءاللہ کیا کہنے بہت ہی خوب وااااہ وااااہ

 

بہت بہت شکریہ محترم

اللہ جزائے خیر دے آمین

 

بہت خوب واہ واہ

اچھا لکھا ہے

 

بہت بہت شکریہ محترم

جزاک اللہ خیرا کثیرا

 

کیا خزاں کیا بہار تم ہی تھے،ہاں خزاں میں بہار تم ہی تھے(اتنی خوبصورت تخلیق پرترمیم و تصرف محض طالب علمانہ محض عاجزانہ )
میرے دل کا قرار تم ہی تھے
پوری غزل بہت خوبصورت اور ہر لحاظ سے لاجواب۔
ندرتِ خیال اور جدتِ ادانمایاں ۔شعری ہئیت کا انتخاب فکروخیال اور جذبہ و احساس کے عین مطابق ،رواں قوافی ،خوبصورت ردیف،صنعتِ تضادکا بے ساختہ مگر ماہرانہ استعمال ،چھوٹی اور مترنم بحر۔۔۔۔۔۔۔۔ہر بیت ،بیت الغزل اور پوری غزل شعورِ فن میں پختگی کا مظہر۔۔۔۔۔۔۔۔واہ واہ واہ!شاباش زنیرہ شاباش!

 

بہت بہت شکریہ محترم
آپ نے میری ناپختہ غزل کی تعریف کر کے مجھے مزید لکھنے پر مجبور کر دیا ہے
جزاک اللہ خیرا کثیرا

 

جب خزاں میں بہار تم ہی تھے
میرے دل کا قرار تم ہی تھے

دھڑکنوں میں بسا لیا تم کو
اور دل پر بھی بار تم ہی تھے

سوچ پر بھی لگا لئے تالے
ذہن پر بھی سوار تم ہی تھے

رفتہ رفتہ چھڑا لیا دامن
فتح تم اور ہار تم ہی تھے

وہ جو ایام تھے وہ بیت گئے
میرا دارو مدار تم ہی تھے

در بدر ہو گئی سفر میں "گل"
ور نہ میرا دیار تم ہی تھے

زنیرہ گل

 

واہ واہ، ماشاء اللہ بہت خوب!
بہٹ عمدہ شاعری، بہت ہی اعلیٰ احساسات، بڑا ہی شاندار اظہار۔
میری طرف سے خوب ساری داد قبول کیجیے۔

 

بہت محبت بڑے خلوص کے ساتھ!

 

زنیرہ گل صاحبہ کی خوبصورت غزل کا عروض ڈاٹ کام پر تکنیکی جائزہ:

۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

​

 

نعرۂ تحسین۔۔۔!اللہ ھواجمل !!!

 

بہت بہت شکریہ جناب

جب خزاں میں بہار تم ہی تھے
میرے دل کا قرار تم ہی تھے

مطلع میں ترمیم کر رہی ہوں امید ہے کہ اب درست ہوگا

ہر خزاں میں بہار تم ہی تھے
میرے دل کا قرار تم ہی تھے

 

واہ آپ نے تو اسے بہت خوبصورت کر دیا ہے

بہت بہت شکریہ

 

آپ کی اس محبت کے لیے مشکور ہوں

جزاک اللہ خیراً کثراً

 

واہ کیا کہنے محترم آپ کی محبت کے

بہت بہت شکریہ

 

ترمیم و تبدل،ردّوتنسیخ،مٹانا،بنانا،بنانا،مٹانا،پلٹنا،چھپٹنا ۔۔۔۔۔۔۔علم اور فنّ و ہنر ،ایجاد واختراع کی دنیا میں یہی سب کچھ ہوا ہے تب دنیا جو انسان کو مفلس وقلّاش کے گھاس اور خارزارجیسے بچھونے کی طرح ملی تھی ،آج کسی رئیس زادے کے گہوارے سے کم نہیں ہے۔ایک لفظ ۔۔۔۔ہر۔۔۔۔لگادینے سے مطلع اِرتقاء اورابلاغ کی کئی منزلیں ایک ہی جست میں طے کرگیا۔واہ! کیونکہ جاری وساری وقت کے مختلف رنگ ،اثرات اور تنائج دکھانا مقصود تھا سواِس لفظ سے پوراہوا۔آپ کی غزل کے مطالعہ کے دوران مجھے یہ لفظ نہیں سوجھا اور کیسے سوجھتاخالق کا اپنی تخلیق سے جو ایک ربط وتعلق ہوتا ہے وہ خالق اور تخلیق سے ہی خاص ہے ،دوسرے کی مداخلت ،دخل درمعقولات کے سوا کچھ نہیں۔
پسندیدگی کا شکریہ!

 

بہت بہت شکریہ مگر ہم تو وہ نا بلد کمہار ہیں کہ صراحی کی گردن اس وقت تک سیدھی نہیں بنا سکتے جب تک استاد محترم کے دست شفقت ہمارے ہاتھوں کے اوپر آکر سدھارنے کی کوشش نہ کرے . وقت کے ساتھ انشاء اللہ جدت آتی جائےگی بس سیکھنے سکھانے کے عمل میں دوام رہے اور یہ تسلسل نہ ٹوٹے.

 

بے شک:
سفر ہے شرط مسافر نواز بہتیرے۔۔۔۔۔۔۔۔۔ہزارہا شجرِ سایہ دار راہ میں ہے

(خواجہ حیدر علی آتش)​

 

بہت بہت شکریہ محترم

 

مطالعہ ، مشاہدہ اور دردِ دل بڑے کام کی چیزیں ہیں۔کلاسیکی ادب کا مطالعہ ظاہر کی آنکھ سے اور دنیامیں رونماہونے واقعات کا مشاہدہ دل کی آنکھ سے ، اگر یہ ہوتو انعام میں دردِدل ملتا ہے یعنی دوسروں کا غم اپنا غم معلوم ہوتا ہے اور اپنا غم آفاقی ہوجاتا ہے
۔ یعنی ہرکوئی آپ کے غم کو اپنا غم سمجھنے لگتا ہے اور یہ بڑی کامیابی ہے۔

 

مشاہدہ انسان کو تخلیقات کی ان گہرائیوں میں لے جاتا ہے جہاں تک آنکھ کی رسائی نا ممکن ہوتی ہے
اصطلاح صوفیاں میں انوار الہیٰ کا نظارہ جو عینی تجربے پر منحصر ہے
جب انسان کو عینی ثبوت ملتا ہے کہ تخلیق الہیٰ کن مصلحتوں کی بنا پر ہوا ہے تو اس مشاہدہ کو الہامی تحفہ سمجھ لینا چاہیے
کسی کے درد کو سمجھنے کے لیے تجربہ اپنے درد کا انسان کے ذہنی فیصلے کو مضبوط بناتا ہے

 

شاباش زنیرہ شاباش!
اللہ کرے زورِ کلام اور زیادہ!

 

بہت بہت شکریہ

جزاک اللہ خیراً کثیراً