خدا کے بعد ہمارا بس اک ٹھکانہ ہے ۔۔ محمد ریاض شمیم کرمانی

خدا کے بعد ہمارا بس اک ٹھکانہ ہے
حضور ختم رسلﷺ کا وہ آستانہ ہے
​

نبی ﷺ کے شہر کا ماحول عارفانہ ہے
حبیب پاک ﷺ کا مسکن تو والہانہ ہے​

​

خدا گواہ ہے میرا، اور اک زمانہ ہے
قسم خدا کی تمہارا ﷺ نگر سہانا ہے​

​

قدم قدم پہ ملائک سلام کہتے ہیں
خوش آمدید کا ہر طرز عاشقانہ ہے​

​

جلالِ نور کا مورِد ہوا تھا طور کبھی
جمالِ نور ، محمد ﷺ کا آستانہ ہے​

​

عداوتوں کو مٹاتے رہے عیادت سے
حضور آپ کی شفقت کا کیا ٹھکانا ہے​

​

شمیم آپ ﷺ کی الفت میں چاشنی چاہے
عطا تو آپ ﷺ کی حضرت شہنشہانہ ہے​

----​

محمد ریاض شمیم کرمانی
98 واں ہفتہ وار فی البدیہہ طرحی مشاعرہ 29 تا 30 جولائی
پیشکش فیس بک ٹائمز انٹرنیشنل

​

​

 

خدا کے بعد ہمارا بس اک ٹھکانہ ہے
حضور ختم رسلﷺ کا وہ آستانہ ہے​

 

سبحان اللہ & جزاک اللہ

​

 

اللہ تعالٰی آپ کو بھی جزائے خیر عطا کرے آمین

​