خدا کی ہے بڑی نعمت مرے سرکار کی چوکھٹ ۔۔ محمد قیصر رضا تیغی سمستی پور

خدا کی ہے بڑی نعمت مرے سرکار کی چوکھٹ
زمانے کے لیے رحمت مرے سرکار کی چوکھٹ

مرے مولیٰ کی ہے قدرت مرے سرکار کی چوکھٹ
ہراک شے کے لیے برکت مرے سرکا کی چوکھٹ

مرے دل کی بس اک چاہت مرے سرکار کی چوکھٹ
زہِ قسمت مری جنت مرے سرکار کی چوکھٹ

مرے سرکار کی قربت اسے حاصل ہوئی بے شک
ملی جس کو تری قربت مرے سرکار کی چوکھٹ

ہراک لمحہ مرا دل کہتا ہے مجھ سے چلو طیبہ
*دلِ مضطر کی ہے راحت مرے سرکار کی چوکھٹ*

ہے میرے پاس جو کچھ بھی عنایت بس تمہاری ہے
ملی تم سے مجھے شہرت مرے سرکار کی چوکھٹ

سوا تیرے کسی بھی چیز کی حاجت نہیں مجھ کو
رہے دل میں تری الفت مرے سرکار کی چوکھٹ

فرشتے آتے ہیں جس جا درودوں کے لیے تحفے
جہاں میں ہے وہ با عظمت مرے سرکار کی چوکھٹ

بفضلِ رب شفاعت کے لیے قیصر کو محشر میں
ہے کافی بس تری نسبت مرے سرکار کی چوکھٹ
----------
محمد قیصر رضا تیغی سمستی پور
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

خدا کی ہے بڑی نعمت مرے سرکار کی چوکھٹ
زمانے کے لیے رحمت مرے سرکار کی چوکھٹ​

 

ہے میرے پاس جو کچھ بھی عنایت بس تمہاری ہے
ملی تم سے مجھے شہرت مرے سرکار کی چوکھٹ​

 

سوا تیرے کسی بھی چیز کی حاجت نہیں مجھ کو
رہے دل میں تری الفت مرے سرکار کی چوکھٹ​

 

فرشتےآتے ہیں جس جا درودوں کے لیے تحفے
جہاں میں ہے وہ با عظمت مرے سرکار کی چوکھٹ
​

 

بفضلِ رب شفاعت کے لیے قیصر کو محشر میں
ہے کافی بس تری نسبت مرے سرکار کی چوکھٹ
​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطاکرے آمین