خدا عروج کو یوں بھی زوال دیتا ہے - از احمد حیدر آبادی

خدا عروج کو یوں بھی زوال دیتاہے
خوشی کے ساتھ ہی رنج و ملال دیتا ہے
اگرچہ تشنگی صحرا میں ڈال دیتاہے
چٹان سے بھی تو جھرنےنکال دیتاہے
کبھی تو نائو ڈبودے وہ لا کے ساحل پر
کبھی بھنور سے سفینے نکال دیتا ہے
کبھی امیر کو کر دے غریب پل بھر میں
کبھی فقیر کو کثرت سے مال دیتا ہے
غرور اور تکبر کے وار سے بچنے
وہ متقی کو قناعت کی ڈھال دیتا ہے
وہ اپنے بندوں کو توفیقِ نیک و بد دے کر
تمیز و فکرِ حرام و حلال دیتا ہے
بگاڑ کر کبھی صورت کسی تونگر کی
کسی غریب کو حسن و جمال دیتا ہے
نوازتا ہے خطاب کلیم سے ان کو
کلام کرنے کی جن کو مجال دیتاہے
بلا کے فرش سے عرشِ بریںپہ خوش ہو کر
دل حبیب کی حسرت نکال دیتا ہے
قرآن پاک کی تفسیر ہیں سراپا جو
زمانہ آج بھی جن کی مثال دیتا ہے
وہ ریگزار جہاں پیاس ایڑیاں رگڑے
وہیں سے چشمئہ زم زم نکال دیتاہے
پکار سن کے نمازز کھنچے چلے آے
نبی کو ایسا موذن بلال دیتا ہے
قناعتوں کے خزانے بغیر مانگے بھی
وہ مجھ غریب کی جھولی میں ڈال دیتا ہے
جو فکر حمد و ثنا ذہن میں ابھرتی ہے
اسی کو شعر کے پیکر میں ڈھال دیتا ہے
درِ حبیب پر اکثر بلا کے احمدؔ کو
دلِ غریب کی حسرت نکال دیتا ہے
-----
احمد حیدر آبادی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین