خدایا فقط تو ہی معبود ہے ۔۔ حسین سحرؔ

حمد باری تعالیٰ​

خدایا فقط تو ہی معبود ہے
سوائے ترے کون مسجود ہے ؟

سزا وارِ تعریف کوئی نہیں
جہاں میں مگر تو ہی محمود ہے

تو میری سمجھ میں بھلا آئے کیا؟
مرا خانئہ ذہن محدود ہے

کہاں تیری عظمت کو میں پا سکوں؟
مری راہِ ادراک مسدود ہے

اگرچہ نظر ہم کو آتا نہیں
مگر تو ہر اک سمت موجود ہے

اس آئینے کو روشنی کر عطا
یہ دل کس قدر گرد آلود ہے

ؔترا جلوہ ہر سمت شام و سحر
فقط حسن تیرا ہی مشہود ہے
------
حسین سحرؔ
مجموعہ نعت ﷺ " تجلی "​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

السلام علیکم ورحمتہ اللہ وبارکاتہ
سبحان اللہ
بہت عمدہ
جزاک اللہ خیراً کثیرا​

 

وعلیکم السلام ورحمتہ اللہ وبرکاتہ
اللہ تعالیٰ آپ کو بھی جزائے خیر عطا کرے آمین​