خدائے پاک کی قدرت مرے سرکار کی چوکھٹ ۔۔فیصل قادری گنوری

خدائے پاک کی قدرت مرے سرکار کی چوکھٹ
ہے رشکِ گلشنِ جنت مرے سرکار کی چوکھٹ

مقامِ رحمت و برکت مرے سرکار کی چوکھٹ
دلِ مضطر کی ہے راحت مرے سرکار کی چوکھٹ

قرارِ دل ، سکونِ جاں ، مرا ملجا ، مرا ایماں
ہے میرا قبلۂ حاجت مرے سرکار کی چوکھٹ

لبوں پر ہر گھڑی صلِ علیٰ صلِ علیٰ رکھیے
دکھائے گی یہی کثرت مرے سرکار کی چوکھٹ

ملائک بھی ادب کے ساتھ آتے ہیں سلامی کو
بیاں کیا ہو تری رفعت مرے سرکار کی چوکھٹ

عقیدت سے، محبت سے جھکی ہو میری پیشانی
بدل جائے مری قسمت مرے سرکار کی چوکھٹ

وہ جالی ، گنبد و محراب و منبر مرحبا ! فیصل
ہے شانِ جلوۂ وحدت مرے سرکار کی چوکھٹ
----
فیصل قادری گنوری
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019​

 

مقامِ رحمت و برکت مرے سرکار کی چوکھٹ
دلِ مضطر کی ہے راحت مرے سرکار کی چوکھٹ
​

 

قرارِ دل ، سکونِ جاں ، مرا ملجا ، مرا ایماں
ہے میرا قبلۂ حاجت مرے سرکار کی چوکھٹ​

 

لبوں پر ہر گھڑی صلِ علیٰ صلِ علیٰ رکھیے
دکھائے گی یہی کثرت مرے سرکار کی چوکھٹ
​

 

ملائک بھی ادب کے ساتھ آتے ہیں سلامی کو
بیاں کیا ہو تری رفعت مرے سرکار کی چوکھٹ
​

 

عقیدت سے، محبت سے جھکی ہو میری پیشانی
بدل جائے مری قسمت مرے سرکار کی چوکھٹ​

 

وہ جالی ، گنبد و محراب و منبر مرحبا ! فیصل
ہے شانِ جلوۂ وحدت مرے سرکار کی چوکھٹ
​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​