خالق اکبر کی وحدت قل ھو اللہ احد ۔ بلال رشید

خالق اکبر کی وحدت قل ھو اللہ احد
ہے دل مومن کی دولت قل ھو اللہ احد
جگمتاتا ہے قلم توحید کے انوار سے
جب بھی لکھتا ہوں یہ آیت قل ھو اللہ احد
خالق کون و مکاں تنہا ہے اپنی ذات میں
دیتا ہے اس کی شہادت قل ھو اللہ احد
اس کو ہی کرنے بیاں آتے رہے سب انبیا
ہے یہی ولیوں کی دعوت قل ھو اللہ احد
اس کا پڑھنا بھی عبادت اس کو سننا بھی ثواب
ہے خدا کی ایسی نعمت قل ھو اللہ احد
سب مسلمانان عالم کیف و مستی میں بلال
روز کرتے ہیں تلاوت قل ھو اللہ احد
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین