حکومت کس قدر ذیشان ہے فاروق اعظم کی ۔۔ عزیز الدین خاکی- کراچی

حکومت کس قدر ذیشان ہے فاروق اعظم کی
ہر اک شے تابع فرمان ہے فاروق اعظم کی

دعائے رحمت عالم ہیں یہ دیں کے محافظ ہیں
عدالت بھی عظیم الشان ہے فاروق اعظم کی

رسول اللہ نے فا روق اعظم کا لقب بخشا
تعالی اللہ کیا پہچان ہے فاورق اعظم کی

کہا کرتے تھے وہ دور خلافت میں بھی لوگوں سے
نبی پر جان بھی قربان ہے فاروق اعظم کی

امیرالمومنیں ہو کر ہر اک مومن کے کام آئے
بڑی عظمت نرالی شان ہے فاروق اعظم کی

وہی فاتح، وہی عادل، وہی صابر ،وہی شاکر
یہی تو اک کھلی پہچان ہے فاروق اعظم کی

ہےخاکی مشرق و مغرب میں تاریکی ہی تاریکی
ضرورت حشر تک ہر آن ہے فاروق اعظم کی
-----
عزیز الدین خاکی- کراچی​

 

سبحان اللہ جزاک اللہ