حمد کی بخشی یہ جزا تو نے ۔ بلال رشید

حمد کی بخشی یہ جزا تو نے
خلد میں گھر کیا عطا تو نے
میں تھا غافل عذابِ محشر سے
مجھ کو بیدار کر دیا تو نے
۔
اپنے لطف و کرم سے میرے بھی
دل میں ایمان بھر دیا تو نے
حمد اور نعت کے وسیلے سے
بخش دی میری ہر خطا تو نے
۔
کر کے بیزار ساری دنیا سے
اپنا محتاج بس کیا تو نے
نوح کا اپنی خاص قدرت سے
پار بیڑا لگا دیا تو نے

کیسے خالد سے اور وحشی سے
کام اسلام کا لیا تو نے
زندگی بھر بلال عاصی کی
رد نہ کی کوئی بھی دعا تو نے
---
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین