حمد کرنا جسے نصیب ہوا۔ بلال رشید

حمد کرنا جسے نصیب ہوا
پھر وہ اللہ کا حبیب ہوا
شکر اس کی عطا پہ جتنا کیا
اس قدر اسکے میں قریب ہوا
رب۔اکبر کی حمد جس نےکہی
خاص دنیا میں وہ ادیب ہوا
جس کو داور کا فضل کافی ہو
ایسا انسان کب غریب ہوا
فضل حق سے ہی حشر میں احمد
سار ی مخلوق کا خطیب ہوا
خود تھا قاصر جو حمد کہنے سے
وہ ہی شاعر مرا رقیب ہوا
مجھ سا کم علم اور حمد۔خدا؟
آج کیا معجزہ عجیب ہوا
دے خدا ہی شفا بلال مجھے
اب تو ناکام ہر طبیب ہوا
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین