حمدیہ شکرانہ

حمد باری تعالیٰ کہوں یا شکرانہ ۔ یا اپنے رب سے باتیں جو بھی سمجھیں۔ دل سے لکھی گئیں ہیں۔
ذکر جب خدا کا ہو
وقت جب دعا کا ہو
یاد سے محمد(ص) کی
صحن دل سجا لینا
لب پہ تب دعا لینا
جب لگے خطاؤں میں
دور تم نکل آئے
ایسے وقت میں فوراً
تم پلٹ کے آجانا
پیار سے محبت سے
رب کو تم منا لینا
اس کے پیار کی اس وقت
سر پہ تم ردا لینا
اپنا آپ اس طرح
آگ سے بچا لینا
رب کو تم منا لینا
طالب دعا: طاہرہ مسعود

 

سبحان اللہ طاہرہ مسعود بہنا
کیا خوب ایمان افروز کلام ہے۔

 

یقین نہیں آرہا ۔ اتنےےےےےےےےےےےےے عرصے کے بعد لاگ ان ہو سکی ہوں

 

خدا کے لیے لاگ اِ ن کی کنجی (پاسورڈ)یادرکھیے گا، سنبھال رکھیے گااور نہیں تو اِس کا خیال کیجیے گاکہ کتنے ہی لوگ آپ کے کلام اور بالخصوص حمدیہ کلام کے منتظر ہوں گے۔
دوسری بات یہ کہ اِس قسم کی صورتحال میں دوسرااکاؤنٹ بنا کر بھی علمی اور ادبی سرگرمیاں جاری رکھی جاسکتی ہیں۔

 

کیا دِل افروز خیالات ہیں ، اُسلوبِ نگارش بھی سادہ اور براہِ راست! واہ ، سبحان اللہ ،سہلِ ممتنع کا تمغاملنا چاہیے،ماشاء اللہ ،اللہ کرے زورِ قلم اور زیادہ!