حمدباری تعالیٰ

حمد باری تعالیٰ جل جلالہ
​

لائق حمد بھی ثنا بھی تو
میرا معبود بھی خدا بھی تو
تیرے اسرار کون جان سکے
سب میں موجود اور جدا بھی تو
بے نواؤں کی آخری امید
بے سہاروں کا آسرا بھی تو
التجا سب تیرے حضور کریں
سب کی سنتا رہے دعا بھی تو
تو ہی سب سے بڑا مسیحا ہے
سب مریضوں کو دے شفا بھی تو
جو نہ کوئی بھی جانے تو جانے
آرزو تو ہے اور رضا بھی تو
تیرے در کے سبھی سوالی ہیں
اور ظہوری کی ہی صدا بھی تو​

(محمد علی ظہوری قصوری)​

​

 

جواب: حمدباری تعالیٰ

بہت بہت شکریہ بلال بھاہی