حاضر ہوا میں شیخِ مجّدد کی لحّد پر ۔۔ (علامہ اقبال)

حاضر ہوا میں شیخِ مجّدد کی لحّد پر
وہ خاک کہ ہے زیرِ فلک مطلعِ انوار

اس خاک کے ذرّوں سے ہیں شرمندہ ستارے
اس خاک میں پوشیدہ ہے وہ صاحبِ اصرار

گردن نہ جھکی جس کی جہانگیر کے آگے
جس کے نفّسِ گرم سے ہے گرمیِ احرار

وہ ہند میں سرمایہء ملّت کا نگہباں
اللہ نے بروقت کیا جس کو خبردار

کی عرض یہ میں نے کہ عطا فقر ہو مجھ کو
آنکھیں میری بینا ہیں، ولیکن نہیں بیدار

آئی یہ صدا سلسلہء فقر ہُوا بند
ہیں اہلِ نظر کِشورِ پنجاب سے بیزار

عارف کا ٹھکانہ نہیں وہ خِطَّہ کہ جس میں
پیدا کُلَہِ فقر سے ہو طُرّہء دستار

باقی کُلَہِ فقر سے تھا ولولہء حق
طُروں نے چڑھایا نشہء خدمتِ سرکار
(علامہ اقبال)


​

 

سبحان اللہ جزاک اللہ