جو انکی یاد ہمراہ روز و شب ہے۔۔ تو پھر دل سے مدینہ دور کب ہے

السلام علیکم۔
بحمداللہ تعالی یکم رمضان المبارک 1433 ہجری کو ایک بار پھر اللہ سبحانہ و تعالی کے فضل و کرم
اور حضور اکرم صلی اللہ علیہ وآلہ وسلم کی رحمت کے تصدق سے
چند نعتیہ اشعار ترتیب پا گئے ۔ اہل محبت کے ذوق کی نذر ہیں

اللھم صل علی سیدنا ومولانا محمد وعلی آلہ وصحبہ وبارک وسلم

جو اُن کی یاد ہمراہ روز و شب ہے
تو پھر دل سے مدینہ دور کب ہے

تمنا ہے مدینہ د یکھنے کی
برستی آنکھ ہے دل مضطرب ہے

فراقِ یار ہے دل کی اُداسی
وصالِ یار خوشیوں کا سبب ہے

خدا دے اُن کو جنت جو ہیں طالب
مجھے بس دشتِ طیبہ کی طلب ہے

جو بند ہو تو رُخِ زیبا کو تک لے
مُعمّہ آنکھ میری کا عجب ہے

جبیں کعبے کو ہے اور دل مدینے
اے واعظ ! تیرا فتویٰ بےسبب ہے

قرآں اُن کا ہے کل ایمان اُن کا
جو اُنکو مان لیں اُن کا ہی رب ہے

فقط مومن ہی مانے اُن کی عظمت
جو نہ مانے سمجھ لو بُو لَہب ہے

ہے حسرت آخری آقا ، رضا کی
ذرا جلوہ دکھاؤ ،جاں بہ لب ہے

کلام :محمد نعیم رضا ۔ جمعۃ المبارک یکم رمضان 1433، 2012-7-20​

 

جواب: جو انکی یاد ہمراہ روز و شب ہے۔۔ تو پھر دل سے مدینہ دور کب ہے

جزاک اللہ
بہت ہی عمدہ کلام ہے

 

جواب: جو انکی یاد ہمراہ روز و شب ہے۔۔ تو پھر دل سے مدینہ دور کب ہے

کامران سعید بھائی
محبوب خان بھائی
تانیہ بہنا جی ۔
حوصلہ افزائی کے لیے بہت شکریہ ۔
اللہ پاک آپکو عمدہ جزا عطا فرمائے۔ آمین

 

جواب: جو انکی یاد ہمراہ روز و شب ہے۔۔ تو پھر دل سے مدینہ دور کب ہے

ماشااللہ
جبیں کعبے کو ہے اور دل مدینے
اے واعظ ! تیرا فتویٰ بےسبب ہے

بہت خوب نعیم بھائی

 

جواب: جو انکی یاد ہمراہ روز و شب ہے۔۔ تو پھر دل سے مدینہ دور کب ہے

یوں تو تمام اشعار دل مضطر حبیب اللہ کی عکاسی کرتے ہیں۔ مجھے حاصل نظم یہ شعر لگا:-

قرآں اُن کا ہے کل ایمان اُن کا
جو اُنکو مان لیں اُن کا ہی رب ہے

زور قلم اور زیادہ۔۔۔۔۔۔۔۔۔۔
ماشاءاللہ

 

جواب: جو انکی یاد ہمراہ روز و شب ہے۔۔ تو پھر دل سے مدینہ دور کب ہے

سین بہن۔ اور غوری بھائی ۔ حوصلہ افزائی کے لیے بہت شکریہ ۔
اللہ پاک آپ کو جزائے خیر دے۔ آمین

 

جواب: جو انکی یاد ہمراہ روز و شب ہے۔۔ تو پھر دل سے مدینہ دور کب ہے

شکریہ پاکستانی 55 بھائی
اللہ پاک آپکو بھی جزائے خیر دے۔ آمین

 

جواب: جو انکی یاد ہمراہ روز و شب ہے۔۔ تو پھر دل سے مدینہ دور کب ہے

جزاک اللہ
بہت ہی عمدہ کلام ہے

 

شکریہ منور چشتی بھائی ۔
دعاؤں میں یاد رکھنے کی التماس ہے

 

جزاک اللہ
بہت ہی عمدہ کلام ہے​

​

​

 

بہت شکریہ پیارے بھائی شہباز رضوی صاحب۔
جزاک اللہ خیر