جذباتِ امتنان و اطمینان

جذباتِ امتنان و اطمینان

ناموس و شرف میرے کسی کا م تو آیا
صد شکر غلاموں میں تیرے نام تو آیا

آئینِ محبت کا تقاضے بھی عجب ہیں
اعزاز ہے میرے لیے الزام تو آیا

الزام تیرے نام کا جو دیتی ہے دنیا
ناطہء درِیار کا انعام تو آیا

اس ہستیء محروم نے تاعمر جو ڈھونڈا
وہ جلوہء پرنور سرِ شام تو آیا

اک شورِ محبت کو سکوں سمجھ رہا تھا
اے قلبِ پریشاں تجھے آرام تو آیا

بیمارِ محبت کے لیے آسِ شفا ہے
وہ خود تو نہ آئے چلو پیغام تو آیا

کچھ چھید ہیں جھولی میں بھی اعراض وجفا کے
بارانِ تیقّن میں سے اِبہام تو آیا

یوں کربِ جدائی سے میں مر ہی چکاتھا
اب موت جو آئی لگے اِدغام تو آیا

انمول رضاسمجھا تھا جس قلبِ تہی کو
بازارِ حبیباں میں سے بےدام تو آیا

محمد نعیم رضا​

 

آئینِ محبت کے تقاضے بھی عجب ہیں
اعزاز ہے میرے لیے الزام تو آیا​

جزاک اللہ

 

دعاؤں میں یاد رکھا کریں اس عاجز و حقیر کو ۔ یہی التماس ہے !

 

متاثر کن کلام ہے ۔

 

شکریہ