جب کسی خواب کی تعبیر نظر آتی ہے۔۔۔ زنیرہ گل

جب کسی خواب کی تعبیر نظر آتی ہے
مجھکو ہر دم تری تصویر نظر آتی ہے

میں نے تذلیلِ زمانہ کو سہا ہے ہر پل
رب کے احکام میں توقیر نظر آتی ہے

جب بھٹکتے ہوئے اندھیر گلی میں ٹھہرے
اس سزاوار کی تنویر نظر آتی ہے

چاہے دنیا کی نگاہوں میں رہوں میں نادار
میرا دل ہی مجھے جاگیر نظر آتی ہے

توڑ کے دیکھے ہیں بندھن بھی تخیل کے "گُل"
بند آنکھوں میں بھی تصویر نظر آتی ہے

زنیرہ گُل​