جب شہ کونین ہے مدحت سرا فاروق کا ۔۔ندیم سلطانپوری

جب شہ کونین ہے مدحت سرا فاروق کا
کیا رقم ہو پاے گا پھر مرتبہ فاروق کا

جل رہا ہے آسماں پر قمقمہ فاروق کا
تا ابد قائم رہے گا زمزمہ فاروق کا

لاے ایماں جب نبی پر حضرت فاروق تو
تیغ براں ہو گیا پھر حوصلہ فاروق کا

تقویت اسلام کو ان سے ملی ہے اس لیے
حشر تک ہوتا رہے گا تذکرہ فاروق کا

سوکھا دریا ہو گیا فورا ہی جاری جب اسے
عمرو ابن عاص سے رقعہ ملا فاروق کا

نام سے ہی کانپتے ہیں دشمنان مصطفے
اللہ اللہ کس قدر ہے دبدبہ فاروق کا

راستہ اپنا بدل لیتا ہے شیطان لعیں
کیوں کہ کر سکتا نہیں وہ سامنا فاروق کا

مژدۂ نار سقر ہے دشمنوں کے واسطے
جاے گا خلد بریں میں ہر گدا فاروق کا

نیست و نابود کر دے دہر سے ہر ظلم کو
اے مرے مولا! تجھے ہے واسطہ فاروق کا

جملہ اصحاب نبی میں افضل و اعلی مقام
پہلا ہے صدیق کا اور دوسرا فاروق کا

جو نہ مانے فیصلہ سرکار کا اس کا ندیم
کردو سر تن سے جدا ہے فیصلہ فاروق کا
------
ندیم سلطانپوری​

 

سبحان اللہ جزاک اللہ