جاگے نظروں کا مقدر تو مزہ آ جائے ۔۔۔ بے ہوش محبوب نگری

جاگے نظروں کا مقدر تو مزہ آ جائے
دیکھوں طیبہ جو مکرر تو مزہ آ جائے

سیرتِ پاک کا ہر سانچہ ہے تیار مگر
آئے مومن کوئی ڈھل کر تو مزہ آ جائے

دل میں یاد ان کی زباں پر بھی ہے ان کے اذکار
بزم ہو جائے منور تو مزہ آ جائے

ان کی تعلیم میں ملت کی ہے تعمیر کا راز
بولنے والے عمل کر تو مزہ آ جائے

لا الہ میں تو ہے تاثیر وہی اب بھی مگر
کلمہ پڑھنے لگیں پتھر تو مزہ آ جائے

فتح مکہ پہ وہ سرکار کی نیچی نظریں
دیدہ ور دیکھ لے منظر تو مزہ آ جائے

وہ محمدﷺ ہی تھے سدرہ سے پرے جا بھی سکے
دیکھیں جبریل بھی بڑھ کر تو مزہ آ جائے

دیدِ محبوب خدا کا تو ہے ارماں سب کو
آئیں پردے سے نکل کر تو مزہ آ جائے

سوئے بیہوشؔ سرِ حشر سراپا رحمت
اک نظر ڈالیں جو ہنس کر تو مزہ آ جائے
٭٭
بے ہوش محبوب نگری ۔۔۔ (ہوشِ نعتﷺ )​

 

اللہ تعالیٰ آپ کو بھی جزائے خیر عطا کرے آمین

 

جاگے نظروں کا مقدر تو مزہ آ جائے
دیکھوں طیبہ جو مکرر تو مزہ آ جائے​

 

ان کی تعلیم میں ملت کی ہے تعمیر کا راز
بولنے والے عمل کر تو مزہ آ جائے​

 

سوئے بیہوشؔ سرِ حشر سراپا رحمت
اک نظر ڈالیں جو ہنس کر تو مزہ آ جائے​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

​

 

ماشاءاللہ
عمدہ کلام
جزاک اللہ خیراً کثیرا​

 

اللہ تعالٰی آپ کو بھی جزائے خیر عطا کرے آمین

​