جاری خبر نامہ ۔۔۔۔۔

اسرائیل کے سابق وزیر کو ایران کے لیے جاسوسی پر 11 برس قید

گونین سیگوف 1995ء سے 1996ء کے درمیان توانائی کے وزیر رہے تھے (فوٹو : فائل)

مقبوضہ یروشلم: اسرائیل کی سابق وزیر گونین سیگوف کو ایران کے لیے جاسوسی کے الزام میں 11 برس قید کی سزا سنادی گئی۔

بین الاقوامی خبر رساں ادارے کے مطابق اسرائیل کے سابق وزیر گونین سیگوف کو ملک کے اہم راز ایران کو دینے کے الزام میں 11 برس قید کی سزا سنائی گئی ہے، مقدمے کی حساسیت کو مدنظر رکھتے ہوئے سماعت کو خفیہ رکھا گیا تھا۔

اسرائیلی استغاثہ نے عدالت کے بعد میڈیا سے گفتگو کرتے ہوئے بتایا کہ یہ سزا عدالت سے باہر کیے گئے استغاثہ اور مجرم کے درمیان ہونے والے ایک سمجھوتے کے تحت دی گئی ہے جس میں سابق وزیر نے سزا میں تخفیف کے بدلے اپنے جرم کا اعتراف کیا تھا۔

گونین سیگیو 1995ء سے 1996ء تک اسرائیل کے وزیر برائے توانائی رہے تھے تاہم 2005ء میں ہالینڈ سے اسرائیل 32 ہزار چاکلیٹس میں ممنوعہ دوا چھپا کر منگوانے پر گرفتار ہوگئے تھے، بعد ازاں 2007ء میں رہا ہونے کے بعد وہ نائیجیریا چلے گئے تھے۔

نائیجیریا میں 10 سال قیام کے دوران سابق وزیر پر ایران کے لیے جاسوسی کا الزام سامنے آیا تھا جس پر انہیں قانونی جنگ کے بعد افریقی ملک استوائی گنی سے اسرائیل کے حوالے کیا گیا تھا۔ سابق وزیر نے عدالت میں اپنا اعترافی بیان بھی جمع کرایا تھا۔

 

وزیراعظم کی زیر صدارت نیشنل کمانڈ اتھارٹی کا اجلاس

بھارتی جارحیت کے خلاف پارلیمنٹ کا مشترکہ اجلاس کل ہو گا۔ فوٹو: فائل

اسلام آباد: وزیراعظم عمران خان کی زیر صدارت نیشنل کمانڈ اتھارٹی کا خصوصی اجلاس ہوا جس میں ملک کی موجودہ سیکیورٹی صورتحال پر غور کیا گیا۔

ایکسپریس نیوز کے مطابق وزیراعظم عمران خان کی زیر صدارت نیشنل کمانڈ اتھارٹی کا خصوصی اجلاس ہوا جس میں تینوں مسلح افواج کے سربراہان سمیت چیئرمین جوائنٹ چیفس آف اسٹاف کمیٹی نے شرکت کی، اجلاس میں ملک کی موجودہ سیکیورٹی صورتحال پر غور کیا گیا اور وزیراعظم عمران خان کو جوہری صلاحیت پر بریفنگ بھی دی گئی۔

دوسری جانب قومی سلامتی کمیٹی کا اجلاس آج دوسرے روز بھی وزیراعظم عمران خان کی زیر صدارت جاری رہے گا جب کہ بھارتی جارحیت کے خلاف پارلیمنٹ کا مشترکہ اجلاس کل ہوگا۔

واضح رہے کہ پاکستان نے بھارت کوکرارا جواب دیتے ہوئے 2 بھارتی طیاروں کو مارگرایا جس کے نتیجے میں 2 بھارتی پائلٹس ہلاک ہوگئے جب کہ 2 بھارتی پائلٹ کو گرفتار بھی کرلیا گیا۔

 

پاکستان کا بھارت کوکراراجواب، پاک فضائیہ نے 2 بھارتی طیارے مارگرائے
پاکستان نے بھارت کوکرارا جواب دیتے ہوئے 2 بھارتی طیاروں کو مارگرایا جس کے نتیجے میں 2 بھارتی پائلٹس ہلاک ہوگئے جب کہ 2 بھارتی پائلٹ کو گرفتار بھی کرلیا گیا۔

پاکستان کی جانب سے آج بھارت کومنہ توڑجواب دے دیا گیا ہے۔ ڈی جی آئی ایس پی آرمیجرجنرل آصف غفورکے مطابق پاک فضائیہ نے پاکستانی حدود میں گھسنے والے دوبھارتی طیاروں کو مارگرایا جن میں سوار2 بھارتی پائلٹس ہلاک ہوگئے جب کہ 2 بھارتی پائلٹ کو گرفتارکرلیا گیا۔






ڈی جی آئی ایس پی آرکا کہنا ہے کہ ایک بھارتی طیارے کا ملبہ آزاد جموں و کشمیرکے حدود میں گرا جبکہ دوسرا بھارتی طیارہ مقبوضہ کشمیر کی حدود میں گرا۔

دوسری جانب بھارتی میڈیا نے دعوی کیا کہ پاکستانی طیارے مقبوضہ جموں کشمیرکے نوشہرہ سیکٹرمیں داخل ہوئے اوردو بھارتی طیاروں کو نشانہ بنایا۔ بھارت کے ہوائی اڈوں لیہ، جموں، سری نگر اور پٹھان کوٹ میں ہائی الرٹ کردیا گیا اورتمام پروازیں معطل کردی گئیں۔



ترجمان دفتر خارجہ کی جانب سے جاری بیان میں کہا گیا ہے کہ جنگ کوبڑھانا نہیں چاہتے مگرمجبور کیا گیا تو تیار ہیں جب کہ پاکستان نے دن کی روشنی میں کارروائی کرکے بھارت کو واضح طورپرمتنبہ کردیا ہے۔





واضح رہے کہ گزشتہ روزڈی جی آئی ایس پی آرنے کہا تھا کہ بھارت اب سرپرائزکے لیے تیاررہے ہم نے جگہ اور وقت کا تعین کرلیا ہے۔

 

گرفتار بھارتی پائلٹ کا اعترافی بیان سامنے آگیا

میں بھارتی فضائیہ کا افسر اور ونگ کمانڈر ابھے نندن ہوں، گرفتار پائلٹ - فوٹو: سوشل میڈیا

اسلام آباد: پاک فوج کی جانب سے گرفتار بھارتی پائلٹ کا اعترافی بیان سامنے آگیا جس میں انہوں نے کہا کہ وہ بھارتی فضائیہ کے افسر ہیں۔

ڈی جی آئی ایس پی آر میجر جنرل آصف غفور نے پریس کانفرنس میں بھارتی فضائیہ کا ریکارڈ بیان دکھایا جس میں گرفتار بھارتی پائلٹ نے اس بات کا اعتراف کیا کہ وہ بھارتی پائلٹ ہے جب کہ گرفتار بھارتی پائلٹ کا کہنا تھا کہ ’ میں بھارتی فضائیہ کا افسر ہوں اور میں ونگ کمانڈر ابھے نندن ہوں، میرا سروس نمبر 27981 ہے۔

 

سپریم کورٹ: نواز شریف کی طبی بنیادوں پر 6 ہفتوں کی ضمانت منظور
سابق وزیر اعظم کو 50 لاکھ روپے کے 2 ضمانتی مچلکے جمع کروانا ہوں گے، ضمانت کی مدت کے دوران وہ بیرون ملک نہیں جاسکیں گے۔

 

'نواز شریف کی ضمانت کے ساتھ عمران خان کا جھوٹ بے نقاب ہوگیا'

وفاق، پنجاب حکومت کی تمام کوششوں کے باوجود عدالت نے سابق وزیراعظم کو علاج کے لیے ریلیف دی، شاہد خاقان عباسی

 

لاہور ہائیکورٹ کا شہباز شریف کا نام ای سی ایل سے نکالنے کا حکم

حکومت نے ضمانت منظور ہونے کے فوری بعد ہی شہباز شریف کا نام ای سی ایل میں ڈال دیا تھا، وکیل کا عدالت میں مؤقف

 

گولان ہائٹس پر امریکی فیصلے کے خطے پر منفی اثرات مرتب ہوں گے، سعودی عرب

شام کے علاقے پر اسرائیل کی خود مختاری تسلیم کرنا اقوام متحدہ اور بین الاقوامی قراردادوں کی خلاف ورزی ہے۔

 

بلوچستان میں فورسز کی کارروائی، 4 مبینہ دہشتگروں نے خود کو دھماکے سے اڑالیا

لیویز اہلکاروں پر حملے کا ماسٹرمائنڈ بھی مارے جانے والے دہشتگردوں میں شامل ہے، سیکیورٹی اہلکار

 

جعلی اکاؤنٹس کیس میں قائم علی شاہ کی عبوری ضمانت منظور

اسلام آباد ہائی کورٹ نے سابق وزیر اعلیٰ سندھ کی جعلی اکاؤنٹس اور منی لانڈرنگ کیس میں ضمانت قبل از گرفتاری کی منظوری دی۔

 

فواد چوہدری سمیت کئی وزرا کے قلمدان تبدیل
پی ٹی آئی کی حکومت نے پہلی مرتبہ وزیر داخلہ مقرر کردیا، ڈاکٹر حفیظ شیخ کو مشیر خزانہ کا قلمدان دے دیا گیا۔

 

بدین: تیز رفتار بس الٹنے سے 8 افراد جاں بحق

زخمیوں میں زیادہ تر افراد کی حالت تشویشناک ہے, جاں بحق اور زخمی ہونے والے افراد کی اکثریت کا تعلق تھرپارکر سے ہے، حکام

 

بالاکوٹ کارروائی میں کسی پاکستانی شہری یا فوجی کو نقصان نہیں پہنچا، سشما سوراج

جب سرحد کے اس پار کارروائی کی تو بین الاقوامی برادری کو بتا دیا تھا کہ یہ قدم اپنے دفاع میں اٹھایا، بھارتی وزیر کا دعویٰ

 

اسلام آباد ہائیکورٹ: نیب ریفرنس میں زرداری کی بریت سے متعلق ریکارڈ طلب

ٹرائل کورٹ نے سابق صدر کو نیب کی جانب سے دائر اے آر وائی گولڈ اور ارسس ٹریکٹرز ریفرنسز میں بری کیا تھا۔

 

افغان وفد پر طالبان کے اعتراض کے بعد امن مذاکرات ملتوی

وفد کو جمعرات کو قطر کے دارالحکومت روانہ ہونا تھا تاہم انہیں معلوم ہوا کہ ان کا دورہ منسوخ کردیا گیا ہے، مغربی سفارتکا

 

اسد عمر وزیر خزانہ کے عہدے سے مستعفی

وزیر اعظم چاہتے ہیں کہ وزارت خزانہ کی جگہ پیٹرولیم کا قلمدان سنبھال لوں، وزیر خزانہ اسد عمر

 

کوئٹہ: صوبہ بلوچستان میں مکران کوسٹل ہائی وے کے قریب مسلح افراد نے 14 مسافروں کو بسوں سے اتار کر فائرنگ کرکے قتل کردیا۔

ڈان نیوز ٹی وی کے مطابق ذرائع کا کہنا تھا کہ یہ واقعہ بلوچستان کے علاقے اورماڑہ میں پیش آیا جہاں مسافروں کو بسوں سے اتار کر قتل کیا گیا۔

دوسری جانب ڈان اخبار کی رپورٹ میں بتایا گیا کہ بسوں سے اتار کر شناخت کرکے قتل کیے گئے 14 افراد میں 11 نیوی، ایئر فورس اور کوسٹ گارڈز کے اہلکار تھے۔

انسپکٹر جنرل پولیس (آئی جی پی) بلوچستان محسن حسن بٹ کے مطابق بزی ٹاپ کے علاقے میں رات 12.30 سے ایک بجے کے درمیان تقریباً 15 سے 20 مسلح افراد نے کراچی سے گوادر آنے اور جانے والی 5 سے 6 بسوں کو روک کر اس میں موجود مسافروں کے شناختی کارڈ دیکھے اور انہیں گاڑی سے اتار کر قتل کردیا۔

 

ایران کے خلاف کارروائی کا کوئی امکان نہیں، وفاقی وزیر


اسلام آباد: وفاقی وزیر بحری امور علی زیدی کا کہنا ہے کہ پاکستان ایران کے خلاف کسی بھی طرح کی جارحیت کی حمایت نہیں کرے گا جبکہ انہوں نے ہمسایہ ممالک کے درمیان بہتر تعلقات پر زور دیا۔

ڈان اخبار کی رپورٹ کے مطابق ان خیالات کا اظہار انہوں نے ’پاک-ایران تعلقات: چیلنجز اور امکانات‘ کے نام سے منعقد ہونے والے سمینار کے دوران خطاب کرتے ہوئے کیا۔

اسلام آباد پالیسی انسٹیٹیوٹ کی جانب سے منعقد کیے جانے والے اس سمینار میں ایک سوال کا جواب دیتے ہوئے وفاقی وزیر بحری امور علی زیدی کا کہنا تھا کہ ایران کے خلاف کارروائی کا امکان نہیں۔

اپنے خطاب کے دوران انہوں نے بتایا کہ وزیراعظم پاکستان عمران خان نے اپنے دورہ تہران کے دوران ایرانی لیڈرشپ کے ساتھ مل کر کس طرح دونوں ممالک کے درمیان پیدا ہونے والی دوری کو ختم کیا۔ انہوں نے کہا کہ وزیراعظم کا دورہ ایران بہت مثبت رہا تھا، دونوں ممالک کے تعلقات پر پڑی برف پگھلی اور بہتر تعلقات کی نئی بنیاد رکھی گئی اور اسی بنیاد پر ہمیں اپنے تعلقات کو استوار کرنا ہے۔

علی زید نے ایران پر امریکی پابندی کے باوجود دنیا کے چند ممالک کی تہران کے ساتھ جاری تجارت کا حوالہ دیتے ہوئے اشارہ دیا کہ پاکستان کو بھی اپنے مفادات کو بالاتر رکھنا چاہیے اور تہران کے ساتھ گیس پائپ لائن منصوبے کو پورا کرنا چاہیے۔

وفاقی وزیر نے بتایا کہ دونوں ممالک کے درمیان بینکنگ روابط نہ ہونے کی وجہ سے تعلقات کو بہتر کرنے میں مزید مشکلات کا سامنا کرنا پڑتا ہے لیکن ایک طریقہ کار وضع کرنے سے متعلق بات چیت جاری ہے تاکہ دوطرفہ تجارت کو فروغ دیا جاسکے۔ اس موقع پر چیئرمین سینیٹ کمیٹی برائے بین الاقوامی امور مشاہد حسین سید کا کہنا تھا کہ پاکستان اور ایران کا جغرافیہ ایک ہے اور ثقافت بھی ایک ہے جس میں شاعر مشرق ڈاکٹر علامہ اقبال ایک اہم عنصر ہیں۔

انہوں نے مزید کہا کہ دونوں ممالک کے بنیادی مسائل پر مفادات میں عدم مطابقت نہیں ہے۔

مشاہد حسین سید نے سیکیورٹی امور پر تحفظات کا اظہار کیا اور کہا کہ اس معاملے میں بھی پائیدار سیکیورٹی بات چیت کی بدولت اس پر بھی کام کیا جارہا ہے۔ لیگی رہنما نے واضح کیا کہ پاکستان خطے میں فوجی مہم جوئی کی کبھی حمایت نہیں کرے گا اور نہ ہی اپنی سرزمین کسی کے لیے استعمال ہونے دے گا۔

پاکستان پیپلز پارٹی (پی پی پی) کے رہنما فرحت اللہ بابر نے وزیراعظم عمران خان کے دورہ ایران کے دوران دہشت گردی سے متعلق ریمارکس کی تعریف کی اور کہا کہ تعلقات ہمیشہ ایک صاف سلیٹ پر شروعات کرنے سے بہتر ہوتے ہیں۔

ان کا کہنا تھا کہ دونوں ممالک آپس میں سچ بولیں اور سرحد کی دونوں جانب ان علاقوں میں فوری کارروائی کریں جہاں ان کی رسائی ممکن نہیں ہے۔​

 

ملک میں 5 ماہ کے دوران پولیو سے متاثرہ بچوں کی تعداد 15ہوگئی

پولیو وائرس سے متاثرہ بچوں کے 6 کیسز صرف خیبرپختونخوا، 4 قبائلی اضلاع، 3 پنجاب اور 2 کیسز سندھ میں سامنے آئے، رپورٹ

 

کراچی سے اڑنے والا طیارہ بھارتی فضائیہ نے راستے میں اتار لیا

طیارہ فضائی سفر کے طے شدہ راستے پر نہیں تھا، نہ ہی بھارتی ایئر ٹریفک کنٹرولنگ کی فون کالز کا جواب دےرہا تھا، بھارتی حکام

 

اپوزیشن نے آئی ایم ایف معاہدہ معیشت کو 'آؤٹ سورس' کرنے کے مترادف قرار دے دیا

مغل بادشاہ نے معیشت ایسٹ انڈیا کمپنی کے حوالے کی، پاکستان میں بھی ظاہری طور پر اسی طرح ہونے جارہا ہے، میاں رضا ربانی

 

دنیا بھر میں تنازعات کے باعث گزشتہ برس ایک کروڑ سے زائد لوگ بے گھر ہوئے، تحقیق

تشدد کی وجہ سے داخلی طور پر بے گھر افراد کی کُل تعداد 4 کروڑ سے تجاوز کی گئی، جو اب تک کی سب سے بڑی تعداد ہے، رپورٹ

 

بابری مسجد تنازع کے حل کیلئے ثالثی پینل کی مدت میں 3 ماہ کی توسیع

سپریم کورٹ نے ثالثی پینل مارچ میں قائم کیا تھا، جسے ابتدائی طور پر 8 ہفتوں کی حتمی مدت دی گئی تھی، رپورٹ

 

لاہور: (دنیا نیوز) داتا دربار دھماکے کی تحقیقات میں بڑی پیش رفت سامنے آئی ہے۔ دنیا نیوز نے دو مبینہ سہولت کاروں کی تصاویر حاصل کر لی ہیں۔




دنیا نیوز ذرائع کے مطابق قانون نافذ کرنے والے اداروں نے دونوں سہولت کاروں کو حراست میں لے لیا ہے۔ سہولت کاروں کا سراغ سی سی ٹی وی فوٹیج سے لگایا گیا۔




ان میں سے ایک مبینہ سہولت کار نے سلیپر اور دوسرے نے چپل پہن رکھی تھی اور سیاہ رنگ کی شلوار قمیض پہن رکھی تھی جبکہ مبینہ خود کش حملہ آور نے بھی سیاہ شلوار قمیض پہن رکھی تھی۔

تینوں دہشتگردوں نے دھماکے سے قبل رات داروغہ والا کے علاقے میں بسر کی۔ دھماکے کی صبح سوا 6 بجے دو سہولت کار داتا دربار کے علاقے میں دیکھے گئے۔ واقعے سے قبل سہولت کار داتا دربار بھی داخل ہوئے اور ریکی کی۔ ساڑھے 6 بجے ایک سہولت کار کو دربار سے باہر نکلتے دیکھا جا سکتا ہے۔




خیال رہے کہ اس سے قبل صوبائی وزیر اوقاف سعید الحسن شاہ نے بھی بتایا تھا کہ داتا دربار دھماکے کی سہولت کاری میں ملوث دہشت گرد پکڑ لیے گئے ہیں۔

داتا دربار مسجد میں نماز جمعہ کے بیان میں سعید الحسن نے بتایا کہ دہشتگردوں کے ساتھی 3 ماہ سے گڑھی شاہو میں مقیم تھے، گڑھی شاہو میں دہشت گردوں کے ساتھی ٹی سٹال چلاتے تھے، 6 لوگوں نے 3 ماہ سے عمارت کرائے پر لے رکھی تھی۔


ادھر سانحہ داتا دربار کی تحقیقات کیلئے پنجاب حکومت نے جوائنٹ انوسٹی گیشن ٹیم (جے آئی ٹی) تشکیل دیدی ہے جس کا نوٹیفکیشن جاری کر دیا ہے۔


جوائنٹ انوسٹی گیشن ٹیم کے سربراہ ایس پی سی ٹی ڈی شعیب اشرف ہوں گے۔ جے آئی ٹی میں آئی بی، ایس ایس آئی اور ایم آئی کے نمائندے بھی شامل ہیں۔

 

اسٹاک مارکیٹ میں مسلسل مندی، مشیر خزانہ کی بروکرز سے ملاقات
2 روز کے دوران روپے کی قدر میں 5 فیصد کمی سے اقتصادی شعبے اور تاجر برادری میں خاصی بے چینی پائی جارہی تھی۔

 

پے پال کے پاکستان آنے سے انکار پر فری لانسرز پریشان

اگر پے پال پاکستان آئی تو 2لاکھ فری لانسرز، ہزارروں رجسٹرڈ اور غیررجسٹرڈ چھوٹے کاروبار کرنے والوں کو سہولت ملےگی، رپورٹ

 

فضائی آلودگی پر قابو پانے کیلئے حکومت کا الیکٹرک گاڑیاں متعارف کروانے کا فیصلہ

وزیراعظم نے 2030 تک ملک کی 30 فیصد گاڑیوں کو الیکٹرک گاڑیوں میں منتقلی کو یقینی بنانے کی ہدایت کی، رپورٹ

 

پڈعیدن میں مال گاڑی کو حادثہ، ٹرینوں کی آمدورفت متاثر

ٹرین کی 3 بوگیاں الٹ گئیں اور 6 ٹریک پر گر گئیں، حادثے میں 10 بوگیوں اور 20 کنٹینرز کو شدید نقصان پہنچا،ریلوے عہدیدار