تیرے وقار پر فدا رعب و جلال موسوی

تیرے وقار پر فدا رعب و جلال موسوی
<center>تیرے جمال پر فدا جلوہ حسن یوسفی</center>
خم ہے تیری جناب میں فرق لوائے قیصری
<center>زرد ہے تیرے روبرو رنگِ شکوہ خسروی</center>
تیری عطائے بے حساب باعث شانِ دینوی
<center>تیری دعائے مستجاب وجہ نجات اخروی</center>
تیری نگاہِ لطف ہے چارہ دردِ عاجزی
<center>خندہ زیرِ لب تیرا مرہمِ زخمِ بے کسی</center>
ساقی محفلِ الست رحمتِ عام سے تری
<center>آگیا اعتدال پر کیفِ مزاجِ زندگی</center>
کرتے ہیں تیری ذات پر ناز تمام انبیا
<center>تیری قبائے حسن ہے تابِ رخِ پیمبری</center>
نکہتِ زلف سے تری مست ہوا ہے پھول پھول
<center>کیفِ جمال سے ترے جھوم اٹھی گلی گلی</center>
تابِ سفر نہیں ہے اب ، منزلِ شوق دور ہے
<center>منتظرِ کرم ہے اب فیض کی پا شکستگی</center>

 

تابِ سفر نہیں ہے اب ، منزلِ شوق دور ہے

منتظرِ کرم ہے اب فیض کی پا شکستگی