تیری ہی دید ہے جلوہ جلوہ ۔۔ حسین سحرؔ

حمد باری تعالیٰ​

تیری ہی دید ہے جلوہ جلوہ
تیرا ہی نور ہے ذرہ ذرہ

تیرا ہی لطف ہے ہر عالم میں
تیرا ہی عدل ہے کوچہ کوچہ

تیرا ہی نقش ہے ہر صورت میں
تیرا ہی عکس ہے چہرہ چہرہ

تیری ہی فکر ہے سب ذہنوں میں
تیرا ہی ذکر ہے سجدہ سجدہ

از ازل تا با ابد پھیلی ہے
تیری خوشبو ہے کہ نافہ نافہ

گونجتا ہے جو سحرؔ سے تا شام
تیرا ہی اسم ہے گوشہ گوشہ
----------
حسین سحرؔ
مجموعہ نعت ﷺ " تجلی "​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین