تیری متاع حیات، علم و ہنر کا سرور

غزل

تیری متاع حیات، علم و ہنر کا سرور
میری متاع حیات یک دل ناصبور!

معجزہ اہل فکر، فلسفہء پیچ پیچ
معجزہ اہل ذکر، موسی و فرعون و طور

مصلحتاً کہہ دیا میں نے مسلماں تجھے‌
تیرے نفس میں نہیں، گرمی یوم النشور

یک زمانے سے ہے چاک گریباں مرا
تو ہے ابھی ہوش میں، میرے جنوں کا قصور

فیض نظر کے لیے ضبط سخن چاہیے
حرف پریشاں نہ کہہ اہل نظر کے حضور

خوار جہاں میں کبھی ہو نہیں سکتی وہ قوم
عشق ہو جس کا جسور ، فقر ہو جس کا غیور

(ضرب کلیم، ڈاکٹر علامہ محمد اقبال رحمۃ اللہ علیہ)​

 

بہت خوب فرمایا۔ ایک دم زبردست