تھرتھراتے قلم، کر رہے ہیں رَقَم

چند سال قبل جب ہمارے والد کئی سالوں کی دعاؤں اور کوششوں کے بعد ریاض سے مدینہ منورہ منتقل ہونے میں کامیاب ہو گئے تو ان کے نام یہ نعتیہ نظم لکھی۔

اِک روز مجھے عالمِ فانی سے اٹھا کر
پوچھا گیا نامہءِ اعمال دکھا کر

یہ شعلہءِتابندہ جو سینے میں ہے تیرے
رکھاہےجسے تُو نے اِک عالَم سے چھپا کر

یہ آرزوءِ شہرِ نبی :saw: جس کی حفاظت
کرتا ہے تُو اِس قدر دل و جان لگا کر

کرتا ہے دعا روز کہ جانا ہے مدینے
سجدے میں کبھی اور کبھی ہاتھ اٹھا کر

نے عمل، نے گفتار، نے اخلاقِ محمد :saw:
کیا کرنا ہے اُس حُجرہءِ پُرنور پہ جا کر؟

کی عرض بڑے عِجز سے ڈرتے ہوئے میں نے
سینے میں دبی بات کو لفظوں میں سجا کر

“اِک بار ہے دل کھول کے رونے کی تمنا
سر روضہء اقدس پہ ندامت سے جھکا کر“


(نوید ابنِ مُنِیب۔۔۔۔جُون ۲۰۰۵ )​

نوٹ 1 : آخری شعر اقبال کا ہے۔
نوٹ 2 : ہر طرح کی تنقید کی اجازت ہے (بس ہم آپ کو اپنی ‘ناپسندیدہ اشخاص‘ کی فہرست میں ڈال لیں گے:hasna: )۔

 

سبحان اللہ۔ یہ آرزو تو ہر سچے امتی کی ہوتی ہے اور ہونی بھی چاہیے۔ کیونکہ دنیا و آخرت کی خیرات اسی در سے ملتی ہے۔

ان آر بی بھائی ۔ خوبصورت کلام ہے۔ لیکن روزہء اقدس میں بےدھیانی میں “ض“ کی جگہ “ز“ لکھا گیا ہے۔ یعنی “روضہء اقدس“ ہونا تھا۔ منتظمین سے کہہ کر اسے درست کروا لیں۔
ادنیٰ جسارت پر پیشگی معذرت ۔
شکریہ

 

آہ، بہت شکریہ نعیم بھائی۔ منتظمین حاضر ہوں!!!

 

جناب عالی آپکا کام ہوگیا۔ :139:

ماشاءاللہ ۔ کلام اچھا اور دلچسپ ہے

 

دوہرا شکریہ زاہرا جی۔

 

بہت شکریہ مریم۔

 

جزاک اللہ بہت عمدہ کلام ہے ایمان تازہ ہوگیا

 

سبحان اللہ بہت اچھا کلام ھے اللہ آپکو خوش رکھے اور والدین کا سایہ آپ کے سرپر سلامت رکھے آمین ثم آمین

 

اِک روز مجھے عالمِ فانی سے اٹھا کر
پوچھا گیا نامہءِ اعمال دکھا کر

یہ شعلہءِتابندہ جو سینے میں ہے تیرے
رکھاہےجسے تُو نے اِک عالَم سے چھپا کر

یہ آرزوءِ شہرِ نبی جس کی حفاظت
کرتا ہے تُو اِس قدر دل و جان لگا کر

کرتا ہے دعا روز کہ جانا ہے مدینے
سجدے میں کبھی اور کبھی ہاتھ اٹھا کر

نے عمل، نے گفتار، نے اخلاقِ محمد
کیا کرنا ہے اُس حُجرہءِ پُرنور پہ جا کر؟

کی عرض بڑے عِجز سے ڈرتے ہوئے میں نے
سینے میں دبی بات کو لفظوں میں سجا کر

“اِک بار ہے دل کھول کے رونے کی تمنا
سر روضہء اقدس پہ ندامت سے جھکا کر

سبحان اللہ ۔۔۔صلی اللہ علیہ وسلم۔
ماشاء اللہ۔۔۔بہت ہی زبردست۔۔۔ آین آر بی صاحب۔۔بہت اچھے۔۔

 

آبی، لک فارورڈ اور کاشفی، آپ کی پسندیدگی اور نیک دعاؤں کا بہت شکریہ۔

 

"اگر آپ کو کسی سے محبت ہے تو اُسے آزاد کر دیں۔ لوٹ آئے تو سدا آپ کا۔ نہ لوٹے تو کبھی آپ کا تھا ہی نہیں"۔ (رچرڈ باخ۔ مصنف)


اجازت

او جانے والے
چلے ہی جانا
ذرا رکو تو
ذرا، سنو تو

تمھاری خاطر جو لمحہ لمحہ بکھرتے آنسو جمع کئے تھے
جو درد سارے یوں سہ لئے تھے
اُن آنسوؤں کا حساب لے لو
سلام کہہ دو جواب لے لو
چلے ہی جانا
ذرا رکو تو
ذرا، سنو تو

جو دِیپ دل کی اندھیر راہوں میں رفتہ رفتہ ہوئے تھے روشن
جو گیت کرتے تھے تیرے درشن
وہ گیت سارے وہ دِیپ سارے
جلا کے جانا بجھا کے جانا
نظر نظر سے مِلا کے جانا
چلے ہی جانا
ذرا رکو تو
ذرا، سنو تو

قدم قدم پر بکھرتے پتّے تمھاری یادیں کریں گے تازہ
یہ سب بہاریں بھی ساتھ لے لو
چہکتے بلبل کا ساز لے لو
گلوں کی رنگت کا راز لے لو
تمام منظر سراب کر دو
سبھی امنگوں کو خواب کر دو
سنو!
یہ کارِ ثواب کر دو
چلے ہی جانا
ذرا رکو تو
ذرا، سنو تو

(نوید ابنِ منیب، اگست 2000)

 

بہت خوب این آر بی صاحب ! بہت متاثرکن کلام ہے۔
واقعی میں بہت پسند آیا۔ آپکے کلام میں روانی بہت خوب ہے

 

این آر بی بھائی ! سچ بات یہ ہے کہ مجھے آزاد نظمیں "بہت کم" پسند آتی ہیں۔
لیکن آپ کی نظم بہت ہی خوبصورت ہے بلکہ میں اپنی پسند کی آزاد شاعری کی چند خوبصورت ترین نظموں میں شمار کرتا ہوں۔
بہت خوب

 

این آر بی بھائی کیا بات ہے۔ اللہ تعالٰی نے آپ کو بہت اچھی زبان کی روانی عطا کی ہے۔ بہت خوبصورت لکھتے ہیں‌ آپ :mashallah:

نذرانہ عقیدت میں‌ تو کمال کردیا آپ نے۔

اور یہ نظم بھی لاجواب ہے۔

:a180:

آپ نے یقینا اور اشعار بھی لکھے ہوں گے، سناتے رہیے گا۔ اور مزید کوشش بھی جاری رکھیں۔

 

نور جی، آپ کو واقعی پسند آئی، یہ جان کر واقعی خوشی ہوئی۔ :hands:

نعیم بھائی آپ کی پسندیدہ آزاد شاعری میں ہماری یہ کاوش بھی شامل ہو، بڑے اعزاز کی بات ہے۔

اور ساگراج بھائی، آپ کی پسندیدگی اور حوصلہ افزائی کا بھی بہت شکریہ۔

 

واہ !!! بہت خوب !!!
نذرانہِ عقیدت پہ ۔۔ جزاک اللہ !!!
بہت ہی اچھا لکھا ہے آپ نے ۔۔

 

بہت شکریہ مریم اور عاشو جی۔ :a191:

 

بہت خوب۔۔

 

بہت شکریہ، مریم اور کاشفی :hands:

 

دعا - 14 اگست

(نوید ابنِ منیب، مارچ ۲۰۰۲)​

اندھیر راہیں، بھٹکتے رہرو، مچلتی آہیں، بکھرتے آنسو
کبھی تو آؤ،
چراغ بن کے


پیاسی کھیتی، زمین بنجر، ترستے خوشے، سلگتے پتھر
کبھی تو آؤ،
سحاب بن کے


وہ سب صدائیں؟،وہ ندائیں؟،وہ سب دعائیں؟، سوال سارے؟
کبھی تو آؤ،
جواب بن کے


کبھی تو بن کر چراغ روشن، تمام تاریکیاں مٹا دو
کبھی تو بادِ بہار بن کر، چمن میں رنگِ حنا سجا دو
پھر ایک صبحِ اگست بن کر، ہماری حالت پہ مسکرا دو!​

 

وہ سب صدائیں؟،وہ ندائیں؟،وہ سب دعائیں؟، سوال سارے؟
کبھی تو آؤ،
جواب بن کے​

ہمیشہ کی طرح :a180:

 

بہت شکریہ نعیم بھائی۔ :a191:

 

واہ دو ماہ بعد شکریہ ادا ھو رھا ھے ھائےےےےےےےےےےےےےے اللہ یہ پھرتیاں

 

اداس عیدیں



میٹرک میں‌ یہ نظم عید پر دنیا بھر کے مظلوم مسلمانوں کے نام لکھی۔ افسوس کہ اب اُن کی تعداد میں بہت زیادہ اضافہ ہو چکا ہے۔ اللہ تعالی رحم کا معاملہ فرمائے۔

اُداس عیدیں​

(نوید ابنِ منیب۔ 1995)​

میں اُن کو کیسے کہوں "مبارک"؟
وہ جن کے نورٍ نظر گئے ہیں
وہ مائیں جن کے جگر کے ٹکڑے
گلوں کی صورت بکھر گئے ہیں
وہ جن کی دکھ سے بھری دعائیں
فلک پہ ہلچل مچا رہی ہیں
میرے ہی دِیں کی بہت سی نسلیں
اداس عیدیں منا رہی ہیں


وہ بچے عیدی کہاں سے لیں گے؟
تباہ گھر میں جو پل رہے ہیں
وہ جن کی مائیں ہیں نذرٍ آتش
وہ جن کے آباء جل رہے ہیں
وہ جن کی ننھی سی پیاری آنکھیں
ہزاروں آنسو بہا رہی ہیں
میرے ہی دِیں کی بہت سی نسلیں
اداس عیدیں منا رہی ہیں


بتاؤ اُن کو میں عمدہ تحفہ
کہاں سے کر کے تلاش بھیجوں؟
بہن کو بھائی کی نعش بھیجوں
یا ماں کو بیٹے کی لاش بھیجوں؟
جہاں پہ قومیں بہت سے تحفے
بموں کی صورت میں پا رہی ہیں
میرے ہی دِیں کی بہت سی نسلیں
اداس عیدیں منا رہی ہیں


وہاں سجانے کو کیا ہے باقی؟
جہاں پہ آنسو سجے ہوئے ہیں
جہاں کی مہندی ہے سرخ خوں کی
جنازے ہر سُو سجے ہوئے ہیں
جہاں پہ بہنیں شہیدِ حق پر
ردائے ابیض سجا رہی ہیں
میرے ہی دِیں کی بہت سی نسلیں
اداس عیدیں منا رہی ہیں​

 

بہت اچھا لکھا

 

[align=center]وہاں سجانے کو کیا ہے باقی؟
جہاں پہ آنسو سجے ہوئے ہیں
جہاں کی مہندی ہے سرخ خوں کی
جنازے ہر سُو سجے ہوئے ہیں
جہاں پہ بہنیں شہیدِ حق پر
ردائے ابیض سجا رہی ہیں
میرے ہی دِیں کی بہت سی نسلیں
اداس عیدیں منا رہی ہیں​

[/align]

بہت خوب لکھا ھے ،!!!!!​

 

بہت شکریہ خوشی جی۔

ویسے اب ٹھیک ہیں پھرتیاں؟