تکبر کا حاصل

تکبر کا حاصل
لوگ سمجھتے ہیں کہ شاید ابلیس کا گناہ فقط تکبر ہے۔ لیکن میرا خیال ہے تکبر کا حاصل مایوسی ہے اور جب ابلیس کسی بات پرمعترض ہوا کہ وہ مٹی کے پتلے کو سجدہ نہیں کر سکتا تو وہ تکبر کی چوٹی پر تھا۔ لیکن جب تکبر ناکامی سے دو چار ہوا تو ابلیس نا امید ہوا۔ حضرت آدم علیہ السلام بھی جنت سے نکالے گئے لیکن وہ مایوس نہیں ہوئے۔ یہی تو ساری بات ہے۔ ابلیس نے دعویٰ کر رکھا ہے کہ میں تیری مخلوق کو تیری رحمت سے مایوس کر دوں گا، ناامید اورمایوس لوگ میرے گروہ میں داخل ہوں گے۔ اللہ جانتا ہے اس کے چاہنے والوں کا اغواء ممکن نہیں ۔وہ کنوئیں میں لٹکائیں جائیں یا صلیب پر، وہ مایوس نہیں ہوں گے۔ (بانو قدسیہ)​