تُو عنایتوں کا مجاز ہے، مری خواہشیں مرے نام کر ۔۔مقصود علی شاہ

تُو عنایتوں کا مجاز ہے، مری خواہشیں مرے نام کر
مری راحتوں کو عروج دے، مری دھڑکنوں میں قیام کر

مرا ہجر زاد نصیب ہے تری طلعتوں کے گمان تک
کسی خوابِ شوق میں آ ذرا، کسی رتجگے سے کلام کر

پسِ حرفِ عجز ہیں منتظر، مرے جسم و جان کے سلسلے
مری حسرتوں کی زمین پر مری حیرتوں میں خرام کر

اِسی ایک کیف سے جوڑ دے،مرے روز و شب کی حلاوتیں
مری صبح، صبحِ درود ہو، مری شام، شامِ سلام کر

مری حرف گاہِ نیاز کے سبھی اہتمام ہیں مضمحل
مری بات صیغۂ خام ہے، اسے تام کر، اسے عام کر

سبھی قافلے ہیں رواں دواں سوئے شہرِ ناز، بس ایک مَیں
سرِ رہگزارِ خیال پر تری یاد بیٹھا ہوں تھام کر

مری مدحتوں کی نیاز پر، مری نسبتوں کے جواز پر
مَیں غُلام ابنِ غُلام ہوں، مری نسل نسل غُلام کر

مجھے حاضری سے نہال کر، مجھے باریابی میں ڈھال دے
مرے بے نمود نصیب کو کبھی رشکِ ماہِ تمام کر

تری دسترس میں ہیں یا نبی ! مری قُربتیں، مرے فاصلے
تُو خیالِ شوق کی اوٹ سے رُخِ دید بر لبِ بام کر

ترے اذن پر ہے مدارِ کُل، یہ اثاثہ کیا یہ بُلاوا کیا
تُو سحر کو دستِ مُراد دے، تُو صبا کو وقفِ پیام کر

مری عرضِ حال ہے مختصر، مرا بابِ شوق ہے منتشر
جو اُجال لاتی ہے خواب کو، اُسی اَن کہی کو مدام کر
-----
مقصود علی شاہ
Maqsood Ali Shah
​

 

اِسی ایک کیف سے جوڑ دے،مرے روز و شب کی حلاوتیں
مری صبح، صبحِ درود ہو، مری شام، شامِ سلام کر​

 

سبھی قافلے ہیں رواں دواں سوئے شہرِ ناز، بس ایک مَیں
سرِ رہگزارِ خیال پر تری یاد بیٹھا ہوں تھام کر​

 

مری مدحتوں کی نیاز پر، مری نسبتوں کے جواز پر
مَیں غُلام ابنِ غُلام ہوں، مری نسل نسل غُلام کر​

 

مجھے حاضری سے نہال کر، مجھے باریابی میں ڈھال دے
مرے بے نمود نصیب کو کبھی رشکِ ماہِ تمام کر​

 

تری دسترس میں ہیں یا نبی ! مری قُربتیں، مرے فاصلے
تُو خیالِ شوق کی اوٹ سے رُخِ دید بر لبِ بام کر​

 

ترے اذن پر ہے مدارِ کُل، یہ اثاثہ کیا یہ بُلاوا کیا
تُو سحر کو دستِ مُراد دے، تُو صبا کو وقفِ پیام کر​

 

مری عرضِ حال ہے مختصر، مرا بابِ شوق ہے منتشر
جو اُجال لاتی ہے خواب کو، اُسی اَن کہی کو مدام کر​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین