تنکے ہزار چن کر اک آشیاں بنایا----برائے اصلاح

شکیل احمد خان صاحب
-------------
تنکے ہزار چن کر اک آشیاں بنایا
آئی جو تیز آندھی اس نے سبھی گرایا
----------------
اتنی ہی مختصر یہ اپنی تو زندگی ہے
سوچیں ہزار باتیں کچھ بھی مگر نہ پایا
----------------
مٹی میں مل کے مٹی ہونا ہے سب نے اک دن
سارا جہاں ہے فانی ،باقی ہے توُ خدایا
------------
یہ اور بات ہے کچھ باقی نہیں رہے گا
یہ چار دن کا میلہ کیا خوب ہے سجایا
-----------------
تخلیق کا ہے مقصد وہ ہم کو آزما لے
اس کے لئے ہی رب نے سارا جہاں بنایا
---------------
پہچان چاہتا ہے اپنی وہ اس جہاں میں
مقصد یہی تو دے کر انسان کو بنایا
--------------
جھوٹی چمک جہاں کی اس میں کبھی نہ کھونا
مومن وہی ہے سچا دھوکے میں جو نہ آیا
---------------
نیکی کرو گے جو بھی پاؤ گے اجر اس کا
محشر میں سب ملے گا دنیا میں جونہ پایا
---------------
دلدل سے اس جہاں کی وہ سُرخرو ہے نکلا
جس نے جہاں میں رہ کر اس میں نہ دل لگایا
-----------------

 

بہت خوبصورت محترم انکل خوش رہیے سلامت رہیے
شئیر کرنے کا بہت شکریہ