تضمین بر کلام پیر مہر علی شاہ صاحب گولڑہ شریف

تضمین بر کلام حضرت پیر مہر علی شاہ گولڑوی رحمتہ اللہ علیہ گولڑہ شریف

ہِجر تیڈے سینے باتی لائیا
کملی جِندڑی دَرداں دِی تَرسائیا
مُکھ وِکھا جا سَجنڑا بے پَرواہیا
ساربانا مِہربانا راہیا
شالا جِیویں خَیر تِھیوی ماہیا

دُکھڑے دے سُکھ لے ہَمارے او گئے
غَم دِلے نُوں دے کے بھارے او گئے
جانی دِل دے اَکھ دے تارے او گئے
لا پَریتاں دے کے لارے او گئے
او گئے او دِل دے پیارے او گئے

راج تیرا حُسن تے لاثانیا
نِت سلامت رَہن ایہہ سُلطانیا
جان واراں سِر کَراں قُربانیا
آکھیں جا اُنہاں پیاریاں دِلجانیا
گُوڑھے نَیناں والیاں مَستانیا

سِر کَراں نذرانہ سوہنڑے ڈھول توں
صدقے ہو ہو جاواں مِٹھڑے بول توں
سب دے آکھے ہیچ اُس دے قول توں
سارا عالم صَدقے آکھاں بول توں
واراں سِر میں اُس اَنوکھڑے ڈھول توں

نِت تُساڈا غَم میں بیٹھی پال دی
دَرد ، آہیں ، سُول، دُکھڑے جال دی
گِھن خَبر ہِک وار میڈے حال دی
بِن تُساڈے ہِک گھڑی سو سال دی
بَہہ ٹھِکانڑے پئی تُساڈے بھال دی

بولیاں لوکی مَریندے جَگ دے
ھاسے خوشیاں زہر وانگوں لَگ دے
اَکھیاں چوں ڈِینہہ رات ہَنجو وَگ دے
ہِک وِچھوڑا دُوجے طَعنے جَگ دے
پَیراں تِھیں سِر تک اَلمّے اَگ دے

گَھڑیاں دی گَل آ گَئی ہُن ماہاں تے
وَتدی پِھردی ماہی سُنجِیاں راہاں تے
راتیں رَکھ کے رووَندی سِر باہاں تے
بالدی ڈِیوے پئی خانقاہاں تے
آؤندا ویکھاں ڈھول اُنہاں راہاں تے

آندی باس صَبا جَد میڈے ڈھول دی
بَھج بَھج پِھردی تے دِلبر اپنا گول دی
آہیں بھر دی تے بھَر بَھر ہَنجو ڈوہلدی
چَشماں فرش وِچھاواں خآطر ڈھول دی
مرحبا یا مَرحبا پئی بولدی

سانولا آ بیٹھی تیڈی جھوک تے
کِھلدا مُکھڑا آ گیا ہُن پھوک تے
تیڈے بھانڑے طعنے ڈیندے لوک وے
پہنچیں جَد توں سوہنیاں دی جھوک تے
خَیر ہووی اُنہاں نوں ذرا روک تے

جَد دا سُنیا مَستی دے وِچ ڈولدے
حَرف گُنجل عِشق والے کھولدے
شَکروں مِٹھے بول ہِن رَس گھولدے
بُھلدے نئیں اوہ بول مِٹھڑے ڈھول دے
بول سانول یار روہی رولدے

پَل لنگھاواں میں حَبیبا مِنڑدیاں
بِرہُوں دے ایہہ رَنج صَدمے گِنڑدیاں
دِن گُزردا اَکھیاں چوں مِینہ کِنڑدیاں
رات ساری گُزری تارے گِنڑدیاں
یاد کر کر قول مِیزاں مِنڑدیاں

تضمین ازیں احقر ملک حبیب

 

شکریہ احباب ۔۔

 

ھارون رشید ،،، شکر گزار ہوں،،،

 

ھارون رشید صاحب جہاں تک اس فورم پر کم آنے کا تعلق ہے تو اس بابت عرض ہے کہ مصروفیت کے باعث یہاں نہیں آ پاتا،،، زیادہ وقت فیس بُک پر ہی گزرتا ہے کیونکہ وہ مجھے یہاں کی نسبت آسان لگتی ہے،،، اس لئے معذرت قبول فرمائیں
اور اگر رابطہ کرنا چاہیں تو فیس بُک پہ حبیبی الملک کے نام سے احقر آپ کو خوش آمدید کہے گا،،،، تشکر

 

واصف حُسین صاحب مکرمی شکر گزار ہوں،،،
ھارون رشید صاحب ،،، اگر فیس بُک کے ذریعے لاگ اِن ہونے کی سہولت میسر ہو جاوے تو بہت ہی اہم پیشرفت ہووے گی،،، اگر ممکن ہو تو متظمین اس بات پر غور فرماویں۔

 

ھارون رشید صاحب محترم ہم جیسوں کو سہولت میسر آ جائے گی،،،،