تری حمد کیسے کرے کوئی بندہ ۔بلال رشید

تری حمد کیسے کرے کوئی بندہ
بشر کو ہے محدود عرفان تیرا
خدایا میں عاجز ہوں تیری ثنا سے
مجھے حمد کرنی تو خود ہی سکھا دے
ہے تو خالقلم یزل میرے مولا
جو تیرے سوا ہے وہ ہے تیرا بندہ
یہ دریا ، سمندر یہ پانی کے چشمے
ہیں تیری ہی تخلیق کے سب نمونے
عبادت کے لایق ہے اک تیری ہستی
چلے دوجہاں میں فقط تیری مرضی
ہے سورج ترے نور کا ایک ذرہ
جہاں میں ہے جس کے سبب سے اجالا
نہ تیرے سوا کوئی حاجت روا ہے
نہ تیرے علاوہ کوئی بادشہ ہے
تجھے چھوڑ کر جائیں کس در پہ مولا
ہے تیرے سوا کیا کوئی اور اپنا
تجھے ہی پکارینگے ہم یا الہی
کہ تو ہی حقیقی ہے بندوں کا حامی
دعا گو ہے تجھ سے بلال حسینی
دکھا دے مجھے راہ خیر الورا کی
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین