بیت بازی

مجھے بیت بازی کی کوئی لڑی نظر نہیں آئی، اس لیے یہ لڑی شروع کر رہا ہوں۔

بیت بازی میں شعر معیاری ہونا چاہیے اور ہو سکے تو شاعر کا نام بھی شامل کیا جائے۔
یہ تو اراکین کو معلوم ہی ہو گا کہ جس حرف پر شعر کا اختتام ہو گا، اسی حرف سے اگلا رکن شعر دے گا۔ تو ابتدا کرتا ہوں :

اس نے سکوت شب میں بھی اپنا پیام رکھ دیا
ہجر کی رات بام پر ماہ تمام رکھ دیا
(احمد فراز)

 

اب کون منتظر ہے ہمارے لیے وہاں
شام آ گئی ہے لوٹ کے گھر جائیں ہم تو کیا
( منیر نیازی )

 

اب تو اس راہ سے وہ شخص گزرتا بھی نہیں
اب کس امید سے دروازے سے جھانکے کوئی

پروین شاکر

 

یہ جو دیوانے سے دو چار نظر آتے ہیں
ان میں کچھ صاحب اسرار نظر آتے ہیں
(ساغر صدیقی)