بیت بازی - حصہ دوم

نہ چھیڑ اے نگہت باد بہاری ، راہ لگ اپنی
تجھے اٹھکیلیاں سوجھی ہیں، ہم بیزار بیٹھے ہیں

 

یہ آرزو تھی تجھے گل کے روبرو کرتے
ہم اور بلبل بےتاب گفتگو کرتے
آتش

 

حیرت غرورِ حسن سے شوخی سے اضطراب
دل نے بھی تیرے سیکھ لئے ہیں چلن تمام

حسرت موہانی

 

میں نے مانگی تھی یہ مسجدوں میں دعا، میں جسے چاہتا ہوں وہ مجھ کو ملے
جو میرا فرض تھا میں نے پورا کیا، اب خدا ہی نہ چاہے تو میں کیا کروں

 

نیت شوق بھر نہ جائے کہیں
تو بھی دل سے اتر نہ جائے کہیں

ناصر کاظمی

 

نہ گل کھلے ہیں نہ ان سے ملے نہ مئے پی ہے
عجیب رنگ میں اب کے بہار گزری ہے

 

یہ مسائل تصوف ، یہ تیرا بیان غالب
تجھے ہم ولی سمجھتے ، جو نہ بادہ خوار ہوتا

 

آرزو ہے کہ تو یہاں آئے
اور پھر عمر بھر نہ جائے کہیں

 

واصف کسے بتلاوں جو راز ہے سینے میں
ہمدم میرے کیوں مجھ کو ہمراز کیا تم نے

واصف حسین

 

نفس نفس کو میرے بے قرار چھوڑ گیا
جو ایک شخص مجھے سوگوار چھوڑ گیا

 

آہ کو چاہیے اک عمر اثر ہونے تک
کون جیتا ہے تیری زلف کے سر ہونے تک

 

کیوں نہ دو چار کی " آصف " خواہش رکھے
کیا کیا بیتی ہے بندے پہ " شوہر " ہونے تک

 

کبھی تو صبح ترے کنجِ لب سے ہو آغاز
کبھی تو شب سرِ کاکل سے مشکبار چلے
فیض

 

یہ کیا کہ سب سے بیاں دل کی حالتیں کرنی
فراز تجھ کو نہ آئیں محبتیں کرنی

 

یاروں سے ہنس بول رہے ہیں‌ لیکن کون یہ سمجھے گا
اپنے اندر آج بھی اپنی سایہ سی تنہائی ہے

 

یاد آیا جو وہ کہنا ،کہ نہیں، واہ غلط
کی تصور نے بہ صحرائے ہوس راہ غلط

 

طبع درہم، وضع برہم، زخم غائر، چشم تر
حالِ بد میں بے کسوں کے کچھ تمہیں بھی غورہے

 

یقین ٹوٹ گیا تو بحال پھر نہ ہوا
یہ وہ زوال ہے جس کو کمال پھر نہ ہوا

 

اڑتے اڑتے آس کا پنچھی دور افق میں ڈوب گیا
روتے روتے بیٹھ گئی آواز کسی سودائی کی
قتیل شفائی