بیت بازی - حصہ دوم

نہ یہ غم نیا، نہ ستم نیا، کہ تری جفا کا گلہ کریں
یہ نظرتھی پہلے بھی مضطرب، یہ کسک تودل میں کبھو کی ہے

 

ان کا آنا بھی ہے اندازِ تغافل جیسا
دو گھڑی بیٹھے نہیں ، کہتے ہیں گھر جانے دو

 

نظّارے نے بھی کام کِیا واں نقاب کا
مستی سے ہر نگہ ترے رخ پر بکھر گئی

 

يہ سرود قمري و بلبل فريب گوش ہے
باطن ہنگامہ آباد چمن خاموش ہے

 

یہ ہم جو ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں

 

نہیں گر مری دوستی کا بھروسا
- مجھے کس لیئے ہمنوا کہہ رہے ہو

 

وہ چہرہ پُر یقیں ہے، گرد سا ہوتے ہوئے بھی
میں سرتاپا گماں ہوں آئینہ ہوتے ہوئے بھی

 

یاں جیتے ہیں امیدِ شبِ وصل پر اور واں
ہر صبح توقع ہے کہ تا شام نہ ہو گا

 

اگر نہ ہو تجھ کو الجھن تو کھول کر کہہ دوں
وجودِ حضرتِ انسان، نہ روح ہے نہ بدن

 

اندھیرا مانگنے آیا تھا روشنی کی بھیک
ھم اپنا گھر نہ جلاتے تو اور کیا کرتے

 

نہ رہنماؤں کی مجلس میں لے چلو مجھے
میں بے ادب ہوں ہنسی آگئی تو کیا ہوگا

 

اک نام کی اُڑتی خوشبو میں اک خواب سفر میں رہتا ہے
اک بستی آنکھیں ملتی ہے اک شہر نظر میں رہتا ہے

 

اس کی سخن طرازیاں میرے لیے بھی ڈھال تھیں
اس کی ہنسی میں چھپ گیا اپنے غموں کا حال بھی

 

یہ کشمکش جو من و تو کے درمیاں ہے سو ہے
میان سود و زیاں ہے مجھے نہیں معلوم

 

وہی پیاس ہے وہی دشت ہے وہی گھرانا ہے
مشکیزے سے تیر کا رشتہ بہت پرانا ہے

 

رسمِ الفت ہی اجازت نہیں دیتی ورنہ
ہم بھی ایسا تمھیں بھولیں کہ سدا یاد کرو

 

یقین کس لیے اُس پر سے اٹھ گیا ہے منیر
تمھارے سر پہ یہ شک کا عذاب کیوں آیا؟

 

اک ہنر تھا کمال تھا کیا تھا
مجھ میں تیرا جمال تھا کیا تھا

 

ادھر آ ستمگر ہنر آزمائیں
تو تیر آزما ،ہم جگر آزمائیں