بہار و گل میں الفت ہے ۔۔۔ پہلی آزاد نظم برائے اصلاح

بہار و گل میں الفت ہے
بہت پاکیزہ چاہت ہے
سجا کے شبنمی جُھمکا
لبوں کی پنکھڑی کا رنگ
لیے رخسار پر مسکان
بہت معصمیت سے "گل"
وہ سنجیدہ سے فقروں میں
اُسے آداب کہتی ہے
اسے وہ دیکھ کر اکثر
بہت شاداب رہتی ہے
مجھے تم سے محبت ہے
بڑے بے باک جملے ہیں
بڑے بے باک یہ جملے
ادا وہ کر نہیں سکتی
یہ سنجیدہ محبت ہے
گُل کو مرنے کی عادت ہے
مگر اظہار ممکن ہے
کہ جب آتے ہیں
تو گل کھلکھلاتی ہے
چمن میں گنگناتی ہے
وہ صدیوں کی محبت کا
تقاضا جانتی بھی ہے
وہ چند ہفتوں کا مہماں ہے
برس کا وعدہ کر کے مجھ کو
تنہا چھوڑ جائے گا
مگر پر نور رہتی ہے
غموں سے دور رہتی ہے
وہ چند لمحوں میں صدیوں کی
محبت کو سمیٹے
ان کے جاتے ہی
بہت مرجھا سی جاتی ہے
محبت روح کی خوشبو ہے
بدن سے روح کو آزاد کرتی ہے
خود کو برباد کرتی ہے

زنیرہ گُل