بڑی پر فیض و با برکت مرے سرکار کی چوکھٹ ۔۔طاہر حسین پلاموی

بڑی پر فیض و با برکت مرے سرکار کی چوکھٹ
بنی ہے مرجع خلقت مرے سرکار کی چوکھٹ

سکون قلب کی خاطر جھکادو سر تصور میں
دل مضطر کی ہے راحت مرے سرکار کی چوکھٹ

جہاں قدسی جھکائیں اپنے سر شوق عقیدت سے
فقط وہ جا ہے با عظمت مرے سرکار کی چوکھٹ

تمنا خلد کی ہوگی جگر میں شوق الفت سے
خدایا ہو مری زینت مرے سرکار کی چوکھٹ

جہاں پر سر عقیدت سے جھکے سلطان کا طاہر
ملی ایسی تجھے رفعت ۔مرے سرکار کی چوکھٹ
------
طاہر حسین پلاموی
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

بڑی پر فیض و با برکت مرے سرکار کی چوکھٹ
بنی ہے مرجع خلقت مرے سرکار کی چوکھٹ​

 

جہاں پر سر عقیدت سے جھکے سلطان کا طاہر
ملی ایسی تجھے رفعت ۔مرے سرکار کی چوکھٹ​

 

سبحان اللہ جزاک اللہ

 

اللہ تعالٰی آپ کو بھی جزائے خیر عطاکرے آمین