بچھڑ جانا تھا ، سو چہرہ تمھارا دیکھنا تھا ۔ ۔

بچھڑ جانا تھا ، سو چہرہ تمھارا دیکھنا تھا ۔ ۔
سفر درپیئش تھا اپنا ستارہ دیکھنا تھا

تمھارے ساتھ سکھُ کی منزلوں پہ ہم نہ ہوں گے
کہ ہم وہ لوگ ہیں جنکو خسارہ دیکھنا تھا

میری آنکھوں کو بینائی سے بڑھکر کچھ عطا کر
اندھیرا کس نے سپنوں میں اتارا دیکھنا تھا

پھر اسکے بعد جوئے شیر تھل اور قصر شیریں
بس اس کہسار کی جانب ہمارا دیکھنا تھا

تم اہل درد کی نازک خیالی کیا سمجھتے
تمھیں تو چشم قاتل کا اشارہ دیکھنا تھا ۔ ۔ ۔​