بچوں کی نظمیں

منہ میں ہے جو اک زبان
ہے خدا کی اعلیٰ شان
اس میں ہڈی ہے نہ بال
ہیئت اس کی بے مِثال
یہ ہے نعمت عالی شان
منہ میں ہےجو اک زبان
یہ ہے نعمت عالی شان
منہ میں ہے جو اک زبان
یہ بھلی تو سب بھلے
یہ بری تو سب برے
خوش گمان و بد گمان
منہ میں ہے جو اک زبان
پہلے خوب تولیے
اس کے بعد بولیے
لفظ لفظ اِمتحان
منہ میں ہے جو اک زبان
چپ رہے تو دے نجات
راز کھولے کر کے بات
ایک چپ میں سو امان
منہ میں ہے جو اک زبان
یہ دُعا بھی دیتی ہے
بد دُعا بھی دیتی ہے
اس سے مانگیے امان
منہ میں ہے جو اک زبان
حِکمتِ خُدا ہے بس
ان پہ کھائیے ترس
لوگ جو ہیں بے زبان
منہ میں ہے جو اک زبان
ہے وفا کی یہ دُعا
وہ زبان دے خدا
حمد جو کرے بیان
منہ میں ہے جو اک زبان
http://www.oururdu.com/forums/images/smilies/p_rose123.jpg

محمد حسین وفا جونپوری