بغیر موسم کے پھل

جب بھی حضرت زکریا ( علیہ السلام ) حضرت مریم کے پاس جاتے تو ان کےہاں طرح طرح کے پھل رکھے پاتے – گرمی کے پھل سردی میں اور سردی کے پھل گرمی میں – حضرت زکریا ( علیہ السلام ) کی عمر کافی ہو چکی تھی لیکن اولاد نہ تھی – حضرت مریم کے شب و روز بڑے اخلاص سے محوِ عبادت رہنے کے باعث انکے دل میں بھی اولاد کی آرزو بیدار ہو گئی اور عرض کرنے لگے – اے رب اگرچہ میں بوڑھا ہو چکا ہوں اور میری بیوی بانجھ ہو چکی ہے – اور اولاد پیدا ہونے کا عام وقت گزر چکا ہے – لیکن تُو وہ کریم اور قادر ہے جو اس مقفل حجرے میں مریم کو بے موسم کے پھل عطا فرماتا ہے – تیرے کرم سے کیا بعید ہے اگر تُو مجھے بھی نیک بخت اور پاک اولاد عطا فرما دے – فرشتوں کے ذریعہ سے حضرت زکریا ( علیہ السلام ) کو ان کی دعا کی مقبولیت کی خوشخبری دے دی گئی – بچے کا نام اور اس کی عزت و پاکبازی کی اطلاع بھی دے دی اور ساتھ ہی یہ بھی ارشاد فرما دیا گیا کہ وہ نبی ہو گا -

 

اللہ تعالی نے انھیں حضرت یحی عطاء فرمائے۔۔۔۔۔