بشر جو حمد خدا صبح وشام کرتا ہے ۔ بلال رشید

بشر جو حمد خدا صبح وشام کرتا ہے
خدا بھی اپنی رضا اس کے نام کرتا ہے
شریک اس کا بنائے جو اس کے بندوں کو
وہ خود ہی اپنے پہ جنت حرام کرتا ہے
سخن کو صرف جو کرتا ہے حمد باری پر
بہت عظیم وہ دنیا میں کام کرتا ہے
جسے بھی نور کلام خدا نے بخشا ہو
زمانہ اس کا بہت ''احترام'' کرتا ہے
یہ اور بات کسے قرب اپنا وہ بخشے
وگرنہ حج تو یہ عالم تمام کرتا ہے
اسی کے واسطے جو زندگی لٹاتے ہیں
انہیں وہ نوع بشر کا امام کرتا ہے
قلم کو تاب کہاں حمد جو کرے اس کی
اسی کے حکم سے اس کا غلام کرتا ہے
کہیں لطیف کہیں والی کہیں کریم ہے وہ
وہی تو سب پہ کرم صبح و شام کرتا ہے
بلال ہے وہی معبود سارے عالم کا
وہ جس کی بندگی خیر الاانام کرتا ہے
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین