برطانیہ میں تیزاب گردی کے 465 واقعات رپورٹ

لندن (مانیٹرنگ ڈیسک) لندن میں تیزاب گردی کے سینکڑوں واقعات رپورٹ ہوئے ہیں، پولیس کا کہنا ہے کہ گزشتہ سال تیزاب پھینکنے اور تیزاب سے حملوں کے 465 واقعات پیش آئے۔

غیر ملکی میڈیا کے مطابق لندن پولیس کی رپورٹ سے پتہ چلا ہے کہ گزشتہ 5 سالوں میں لندن میں تیزاب پھینکنے کے واقعات میں 6 گنا اضافہ ہوا، جس کے مطابق 2012ء میں تیزاب پھینکنے کے 77 واقعات پیش آئے تھے لیکن 2017ء تک ان واقعات کی تعداد بڑھ کر ایک سال میں 465 ہوگئی۔

لندن اس وقت دنیا کا ایسا شہر بن گیا ہے جہاں تیزاب سے حملے کے واقعات سب سے زیادہ رونما ہورہے ہیں، ان حملوں کا نشانہ بننے والوں میں 72 فیصد مرد ہیں۔

رپورٹ کے مطابق تیزاب پھینکنے والوں میں 75 فیصد افراد کی عمریں اور ان حملوں کا نشانہ بننے والوں میں 60 فیصد لوگوں کی عمریں 10 سے 29 سال کے درمیان ہیں۔

 

خاتونء خانہ کا غیر ضروری مصروفیات کیوجہ سے ھوا ھوگا