بابری مسجد کی شہادت پر

ایک احساسِ زیاں (بابری مسجد کی شہادت پر)

میں چند نغموں کی دھن میں تھی کچھ مگن شائد
کہ اک آواز کے پتھر کے آن گِرنے سے
سماعتوں کے سب آئینے چور چور ہوئے
یہ کون شخص تھا اخبار پیچنے والا
کہا کہ بابری مسجد شہید ہو بھی گئی
اور ہم کہ جن کے نصیبوں کی بارشیں روٹھیں
نہ سمجھے پھر بھی کہ کیسی قیامتیں ٹوٹیں
کہیں پہ جلتے ہوئے چند مَندروں کا دھواں
اداس سڑکوں پر کچھ پگھلے ٹائروں کے نِشاں
یہ کیسی آنچ تھی جس سے لہو نہ گرم ہوا
یہ کیسا رنج تھا جو بے بسی پہ ختم ہوا
یہ کون لوگ ہیں ہم جو کہ اب بھی زندہ ہیں
یہ کیسی آنکھیں ہیں جو خون رو نہیں سکتیں
اس ایک داغِ ندامت کو دھو نہیں سکتیں
بہت اُداس تھا دل اِس لئے ھنا ہم نے
نئے مہینے کے نغموں کی کیسٹیں لے لیں

(ھنا ماجد علی)​

 

اچھا انتخاب ہے

 

پسندیدگی کا شکریہ ابنِ آدم بھائی!