اے ایم آئی اسکول کراچی کی انتظامیہ پر کروڑوں لعنتیں ہوں

کسی معتبر اخبار میں یہ خبر پڑھنے کو نہیں ملی۔ اگر ایسا ہوا بھی ہے تو پہلا سوال تو ان لوگوں سے کرنا چاہیے جو اپنے بچوں کو ایسے اداروں میں تعلیم کے لیے داخل کرواتے ہیں۔ جب کہ متبادل ایک سے ایک اچھا تعلیمی ادارہ موجود ہو۔
دوسری بات جیسا کہ اس خبر میں ذکر ہے کہ کسی طالب علم کو اعتکاف کے لیے چھٹی نہیں ملی تو اس پر اعتراض کیا گیا ، کسی طالب علم کو عمرہ کی ادائیگی کے لیے چھٹی نہیں ملی تو اس پر اعتراض کیا گیا۔
ہمارے نبی کریم صلی اللہ علیہ و آلہ وسلم نے تعلیم حاصل کرنے کو فرض قرار دیا ہے۔ جبکہ عمرہ اور اعتکاف نفل کے زمرہ میں آتے ہیں ۔ اب صاحبان عقل خود فیصلہ کر سکتے ہیں کہ فرض کی ادائیگی ضروری ہے یا نفل کی۔ اور اگر بچوں کی تعلیم کا ہرج ہونے سے بچانے کے لیے سکول انتظامیہ نے ایسا فیصلہ کیا تو کوئی قابل اعتراض بات نہیں بنتی۔
اب رہی بات یہ کہ سکول کے فنکشنز میں بچے قابل اعتراض کپڑے پہن کر آتے ہیں ۔ تو وہ بچے یقینا کہیں باہر سے تو نہیں پہن کر آتے ۔ اپنے گھروں سے ہی پہن کر آتے ہیں۔ جب گھر والے ان کو ایسے لباس میں بھیجتے ہیں تب ان کو یہ بات نظر نہیں آتی؟
باقی اگر سکول انتظامیہ نے واقعی ایسا کوئی حکم جاری کیا ہے تو یقینا اس پر رد عمل سامنے آنا چاہیے۔ تاکہ سکول انتظامیہ اپنا فیصلہ باقاعدہ طور پر واپس لے۔ اور آئندہ ایسے فیصلوں سے گریز کرے۔