ایک چھوٹی سی خوبصورت تحریر

میں ہر تین دن بعد ایک لفظ دونگی اس پر ایک چھوٹی سی خوبصورت تحریر لکھنی ہے
خیال رہے کہ تین سطور سے زیادہ نہ ہو


پہلا لفظ ہے
چاہت​

 

چاہت اس آرزو کا نام ہے جو دل کے لگائو کو محبت کے ساتھ جوڑتا ہے جو خواہشات و محبت کے جذبوں کو حقیقت کی نظرسے دیکھتا ہے چاہے وہ ایک سراب ہی کیوں نہ ہواک چاہ اک الفت جو ابھی پاکستانی صاحب ظاہر کر چکے ہیں اس فورم کے ساتھ اس پیار کے رشتے جو دوستوں سے ہے اس بےلوث جذبے سے منسلک رہنے کی چاہ اس تمنا اس خواہش اس شوق اسعشق کو چاہت کہتے ہیں

 

دوسرا لفظ
سفر​

 

سفر پر ایک چھوٹی سی تحریر لکھنے کو کیا کہہ دیا لوگ سمجھ بیٹھے کہ رحلت فرمانے کا کہا گیا سفر آخرت کی فکر تو ہر ذی روح کو ہونی ہے مگر یہاں زندگی کے مختلف سفر کے بارے میں لکھنا کوئی اتنا مشکل کام تو نہیں کوئی پاکستانی55 کی طرح سفر معاش میں مبتلا ہے کسی کو وداع کیا جا رہا ہے سسرال انسان کی زندگی ہی ایک سفر ہے اور پوری زندگی انسان مسافر ہی رہتا ہے

 

تیسرا لفظ ہے
"ہماری اردو"​

 

اردو ہماری قومی زبان جس سے محبت حب الوطنی کا ثبوت ہے ۔۔ اردو کے معیار اور ساکھ کی بہتری کیلئے مختلف فورمز پر کام ہو رہا ہے ہماری اردو بھی اسی جدوجہد کا ایک حصہ ہے اقوام کی بقا بھی زبان اور کلچر پر منحصر ہے بھائی ھارون رشید صاحب اور نعیم بھائی سعدیہ بہن کی تعریف ہو گئی تو انہیں بھی کچھ کہنا چاہیے لڑی کی مناسبت سے

 

ہم ہیں تہذیب کے علمبردار
ہم کو اردو زبان آتی ہے
اور
ہمیں ہماری اردو پیاری اردو سے پیار ہے
اور ۔ ۔ ۔ اور ۔ ۔ ۔ اور
اگر یہ نہ ہوتی تو شاید ہماری ملاقات نہ ہوتی ۔۔۔ شاید نہیں یقینا
بس

 

بہت خوبصورت تحریر

 

چوتھا لفظ ہے
”سیاست”​

 

سیاست پر لکھنا یا کچھ کہنا میرے لیے سب سے اچھا موضوع ہے مگر اس فورم پر یہ کافی تلخ تجربہ رہا ہے
ہم تو سیاست میں بھی توحید کے قائل ہیں
ایک ہی شخص کو اپنا قائد بنا رکھا ہے
ویسے اس لڑی میں لفظ دینے کا اختیار آپ نے اپنے ہاتھوں میں رکھا ہے ، کیا اس میں بھی آپ کی کوئی سیاسی سوچ کار فرما ہے ؟

 

پانچواں لفظ
"عورت"​

 

عورت انسانی معاشرہ کا وہ اہم عنصر ہے جس کے بغیر معاشرہ وسماج کا تصور ہی ممکن نہیں، عورت انسانی ترقی کا زینہ اور اجتماعی زندگی کی روح ہے، عورت افزائش نسل اور اولاد کی تعلیم وتربیت کی اعلی ذمہ دار ہے، اس کی گود جہاں ایک طرف شیر خوار بچوں کی جائے پرورش ہے، وہیں دوسری طرف اس کی آغوش حضارت وتمدن اور تعلیم وتربیت کا گہوارہ ہے عورت عالم انسانی کی بقا اور اس کے تحفظ کی ضامن ہے نیز کائنات گل گلزار کی محافظ ہے۔

 

عورت پر لکھنے بیٹھا جائے تو شاید دو چار جنم لینے پڑیں اور سب سے بڑی بات کہ آپ کا لکھنا خود آپ کی طبعیت پر منحصر ہے ۔ یعنی اگر آپ کی طبعیت سنجیدہ ہے تو آپ کے سامنے عورت ماں ، بہن اور بیوی کی شکل میں آئے گی اور اگر آپ کی طبعیت کچھ جھگڑالو ہورہی ہو تو آپ کے ذہن میں کبھی ساس بہو کبھی نند بھاوج کبھی سوتن بنی سہیلی جیسے کردار گھومنے لگیں گے
اور بالفرض آپ کی طبعیت میں رومانس بھرا ہو تو صنم ، محبوبہ اور جان ، جگر جیسے کردار
اب آپ خود سوچیں ایسی عظیم ہستی جس کہ سینکڑوں روپ ہوں اس پر چند سطروں میں کیا اور کیسے لکھا جاسکتا ہے

 

چھٹا لفظ ہے
"آراء"​

 

آراء پر اپنی آراء دینا تھوڑا مشکل کام ہے
اب اس بارے میں کیا کہہ سکتے ہیں ، اوپر سے آپ نے بھی کچھ نہیں لکھا جو اندازہ ہوجاتا کہ کیا لکھنا چاہیے
لیکن کچھ نہ کچھ تو لکھنا ہی ہوگا ۔ ۔ ۔ چاہے کم الفاظ ہوں یا بہت کم یا بہت کم سے بھی کم
کم از کم ان الفاظ پر آپ کی آراء تو جان سکیں گے

 

ملک و قوم کے لئے ہمہ وقت جذبہ شہادت سے سرشار جوان دشمن کی کھوکھلی للکارکے باعث اک بار پھر سے صف آراء ہونے کو تیار ہیں۔

ہر ذی روح انسان قدرت کی بے پناہ صلاحیتوں کا پیکر ہوتا ہے اگر اسے کوئی پلیٹ فارم میسر آجائے تو وہ اپنی آراء سے دوسروں کو آگاہ کرسکتا ہے۔

آج کل ہماری اردو پیاری اردو میں زنیرہ عقیل کی آراء کو بہت مستند سمجھا جاتا ہے کیونکہ ان کے پاکیزہ خیالات، متحرک جذبہ اور مزاح کی حس بہت سے تجربات سے گزر کر پختگی کا سفر مکمل کرچکے ہیں۔

 

انتہائ خوبصورتی سے آپ سب نے آراء پر رائے کا اظہار کیا ہے سب کی آراء اہمیت کی حامل ہوتی ہے اور کسی نہ کسی منطق سے مربوط ہوتی ہے کسی جماعت کا امیر سب کی آراء کے حصول کے بعد فیصلہ صادر فرماتا ہے اپنی راہ نمائی کے لیے آپ صلی اللہ علیہ سولم بھی صحابہ کرام سے مشورہ کرتے اور سب کی آراء کو سنتے لیکن فیصلہ اپنے مطابق فرماتے

 

غوری صاحب اپنی آراء کی بنا پر پاکستانی55 صاحب سے گفٹ کا حصول کافی مشکل ہو گیا تھا ہاہاہاہا

صف آرا کے علاوہ شمیم آراء بھی تھی

 

چھٹا لفظ ہے
"خواہش"​

 

ہزاروں خواہشیں ایسی کہ ہر خواہش پہ دم نکلے
بہت نکلے میرے ارمان لیکن پھر بھی کم نکلے
۔۔۔۔۔۔۔۔۔۔۔۔۔۔۔۔۔۔
میری بس ایک خواہش ہے کہ میری ہر خواہش پوری ہو
۔۔۔۔۔۔۔۔۔۔
اور آپ لوگوں کی بھی

 

انسان کے دیرینہ مقاصد کے حصول کی نا ختم ہونے والی تمنائیں جو چاہت اور مقصد سے تعبیر ہیں خواہش کہلاتی ہے اپنی خواہشات کی تکمیل میں مختلف طور طریقے مختلف ناموں سے ذہن میں ترتیب دیے جاتے ہیں جو آرزو، ارمان، اشتیاق، تمنا، چاہت، حسرت، ضرورت، طلب، مدعا، مراد، مرضی اور مطلب پر مشتمل ہیں میرے ناقص عقل میں یہی امنگ خواہش کی شکل ہے
شاید کوئی خواہش روتی رہتی ہے
میرے اندر بارش ہوتی رہتی ہے

 

ساتواں لفظ ہے
"جرٔات"​

 

جرات ۔ ۔ ۔ عام زبان میں اسے ہمت بھی کہتے ہیں
ویسے جرات ہر انسان میں ہوتی ہے ، کسی کے پاس اچھی بات کے لیے کسی پاس بری باتوں کے لیے
جو لوگ اچھے کاموں پر ہمت و جرات کا مطاہرہ کرتے ہوئے ڈٹ جاتے ہیں اور چاہیے جتنی بھی مشکلیں آئیں پیچھے ہٹنے کے بجائے اس کام کو پایہ تکمیل تک پہنچا کر ہی دم لیتے ہیں وہ لوگ امر ہوجاتے ہیں ، ان کا نام تاریخ میں یاد رکھا جاتا ہے
حالنکہ وقتی طور پر ان پر زیادہ تر تنقید ہی ہوتی ہے مگر یہ بھی حقیقت ہے سچائی کی راہ پر بھیر زیادہ نہیں ہوتی
اور جو لوگ غلط کاموں پر جرات دکھاتے ہیں ان کو وقتی طور پر تو کامیابی ملتی ہے مگر وہ زیادہ دیر تک نہیں ٹکتی ۔ مثال کے طور پر کسی نے جھوٹی بات کی اور جب اس کا جھوٹ پکڑا جائے مگر پھر بھی جرات کے ساتھ نہ صرف اپنے جھوٹ پر قائم رہے بلکہ کسی دوسرے کو اس پر قائل بھی کرلے ، تو اس کی جرات و ہمت کی وجہ سے اس کو جو کامیابی ملے گی وہ زیادہ دیر تک قائم نہیں رہے گی
ویسے جو بھی اوٹ پٹانگ ہم نے لکھا ہے اس کے لیے بھی جرات کا ہونا ضروری ہے اور اس زیادہ ہمت و جرات کا مظاہرہ وہ صارفین کریں گے جو اسے پڑھیں گے

 

جرات وہ بے باک جذبہ ہے جو اگر مثبت عمل پر کی جائے تو انسان کو بلندی تک لے جاتی ہے جرات
بہادری کو کہتے ہیں جرات جوانمردی مثال ہے اور دلیری کی علامت ہے اگر کوئی جرات کا مظاہر ہ کر کے ظالم کے سامنے ڈٹ جائے تو اس کی شجاعت کے چرچے ہونے لگتے ہیں جرات کے لیے مرد ہونا ضروری نہیں بس دل جوانمرد ہونا چاہیے