ایک پسندیدہ پنجابی نعت

ایہو سدا سوچ دا معیار ہوناں چاہی دا
اللہ دے حبیب نال پیار ہونا چاہی دا

سانوں یارِ غار نے ایہہ دسیا اے دوستو
سب کچھ سوہنے توں نثار ہونا چاہی دا

حضرت صدیق دے ایہہ دل دی تمنا سی
یار دے مزار نال، مزار ہونا چاہی دا

ساڈے اتے ہو جان، اللہ ایہہ عنایتاں
جیوندے جیوندے سوہنے دا دیدار ہوناں چاہی دا

جیہڑے تیرے نام دیاں محفلاں سجاندے نیں
اوہناں بیلیاں دا بیڑا پار ہوناں چاہی دا

نام لواں جدوں تیرا مرے من موہنیاں
بناں پیتے اکھاں چہ خمار ہوناں چاہی دا

لج پال سوہنے دیاں نظراں دے سامنے
گھر ہوناں چاہی دا مزار ہوناں چاہی دا

دم دم خیر منگے جیہڑا تیرے دم دی
دنیا چہ ایسا وی کوئی یار ہونا چاہی دا

یاد کرو جیہڑے ویلے اپنے غلاماں نوں
ساڈا وی غلاماں چہ شمار ہونا چاہی دا

لباں تے نیازی ہون ساہ جدوں آخری
اوس ویلے سوہنے دا دیدار ہوناں چاہی دا


(عبدالستار نیازی)

 

سبحان اللہ۔
اللھم صل علی سیدنا ومولانا محمد وعلی آلہ وصحبہ وبارک وسلم

عائشہ بہن۔ اللہ تعالی آپ کو جزائے خیر عطا فرمائے۔ آمین

 

سبحان اللہ
جزاک اللہ
:mashallah:

 

سبحان اللہ
عائشہ جی بہوں تساں سوہنی نعت شریف پیش کیتی اے۔
اللہ تعالی تساں کو جزائے خیر دیوے تے خوش رکھے۔ آمین

 

جزاک اللہ عائشہ جی

 

تیرے نور خزانے توں ہر عالم چانن منگے
سورج تیرے مکھڑے دی رشنائی کولوں سنگے

ایہ بے مثل سلکھنی پونجی ایویں نئیں ہتھ آوندی
تیرا عشق عنایت ہووے بخت جے ہوون چنگے

تیرے توں منہ پھیر کے جے میں‌ہور کسے ول جاواں
رستہ میریاں پیراں نوں پیا سپاں وانگوں ڈنگے

کدی تے کوئی کرماں والا مست ہوا دا بلھا
تیرے شہروں ہو کے آوے میرے دیسوں لنگھے

اے حاتم دی بیٹی تائیں چادر بخشن والے :saw:
اسیں زمانے دے وچ ہوئے ڈاہڈے ننگ مننگے

ہور وہ روگی ہوئیاں اکھیاں نویاں سرمیاں ہتھوں
تیرے چانن والا دیوا فیر دو آکھا منگے

 

بڑی مہربانی ہارون جی تسی وی سچے عاشقِ رسول :saw: لگے جے جینودے رہیو

 

سبحان اللہ العظیم۔ :saw: :saw: :saw: سبحان اللہ العظیم

جزاک اللہ خوشی جی ۔

 

شکریہ نعیم جی پڑھ لی آپ نےبھی :mashallah:

 

خوشی جی :mashallah:

 

جزاک اللہ حسن جی خوش رہیں