ایک اپنی سی کاوش

آلسلام علیکم!

دوستو میں پہلی بار اپنی ذاتی شاعری میں سے ایک غزل یہاں لکھ رہا ہوں۔ آپ لوگوں کی آرا اور تصحیح کا منتظر رہوں گا۔

اک شخص میری زندگی کا عنوان بدل گیا
ٹھہرا گھڑی دو گھڑی دل کا سماں بدل گیا

میری زندگی میں‌چمکا کچھ اسطرح سے
میری منزلوں کے سارے نشاں بدل گیا

میرے دل میں اترا کہ میری روح تک سما گیا
میرے ارادے، میرے عہد میرے پیماں بدل گیا

ترک تعلق کا فیصلہ ہی جب میرا اپنا تھا
کیسے کہوں کہ تو، کب، کیوں، کہاں بدل گیا

آشنائے غم تو پہلے بھی تھے مگر اسقدر نہیں
لوگ پوچھیں کہ کیسے میرا انداز بیاں بدل گیا

 

عمران علی بھائی ۔ بہت اچھی کوشش ہے۔
آپ کے پاس تخیل کی قوت اور اسکے الفاظ میں ڈھالنے کا سلیقہ ہے۔

البتہ اشعار کے وزن اور حرکت پر کسی اچھے شاعر سے اصلاح لے لیں تو بہتر ہوگا۔

اور ہاں۔ کوشش جاری رکھیے۔

 

محترم نعیم بھائی

پسندیدگی اور مشورے کا شکریہ ۔۔۔

ویسے میں‌کافی عرصہ سے لکھ رہاہوں آج تک کبھی اصلاح نہیں‌لے سکا کسی سے ۔۔۔

اب کوشش کروں گا اگر کوئی شاعر ہتھے چڑھا تو ضرور لوں‌گا اصلاح ۔۔۔

 

بہت اچھی شاعری ہے عمران بھائی۔۔۔
بہت خوب۔۔۔۔۔۔۔۔

 

ہتھے چڑھا مطلب اس کی کر کے اصلاح لے لیں‌گے آپ ؟؟؟؟ :suno:

 

محترم نعیم بھائی

در اصل اچھے شاعر ملتے کم کم ہیں اس لیے ایسا بولا ۔۔۔۔

 

درست فرمایا ۔ اچھے شاعر اور پھر ان میں سے بھی اچھے استاد جو واقعی کسی کو اپنے علم و فن کی خیرات ورثہ میں دینے کا جذبہ اور حوصلہ رکھتے ہوں ۔ آج کے دور میں خال خال ہی ملتے ہیں۔

لیکن ۔۔۔۔۔ ہمت کرے انساں‌تو کیا ہو نہیں‌سکتا۔

آپ کو اپنی منزل مراد ضرور ملے گی انشاءاللہ